Tag Archives: Dynasty

அமெரிக்க தேர்தல்: வெளியுறவுக் கொள்கை

ராஜேஷ் சந்திரா:

1. இராக்: ஒபாமா வந்தாலும் உடனடியாக வாபஸ் ஆரம்பித்துவிடுமா? அங்கு நிலை எப்படி இருக்கிறது? குர்துக்கள் தனி நாடாக்கிக் கொள்வார்களா? மெகயின் அதிபரானால் ஒபாமாவின் நிலையில் இருந்து எவ்வாறு சூழல் மாறுபடும்? ஆருடம் ப்ளீஸ்!

1a) ஒபமா வந்தால் : வாபஸ் ஆரம்பிக்காது. பிரச்சாரத்தில் இதுவரை ஒபாமா தெளிவாகத் தன் நிலையை விளக்கவில்லை. விரைவில் வெளியேறுவோம் என முழங்கி தென் மாகாணங்களை அவர் இழக்கத் தயாராக இல்லை (முக்கியமாக இராணுவத் தலைமையை).

1983-ல் லெபனானை விட்டு வெளியெறுவதற்கு ஒரு குண்டு வெடிப்பு போதுமானதாக இருந்தது. இராக்கில் அது இயலாது. காரணம்: எண்ணை வளம். அருகாமையில் இரான். அமெரிக்கப் ப்டைகள் வெளியேறினால் நிச்சயம் அந்தப் பிராந்தியம் 1800-களுக்குச் செல்லும் வாய்ப்புகள் நிறைய. பிரிட்டன் இரண்டாம் உலகப் போருக்குப் பின் செய்தத் தவறை அமெரிக்கா செய்யாது. இப்பொதைக்கு அமெரிக்கா அங்கே ஆப்பசைத்தக் குரங்கு.

ஒபாமா என்ன செய்ய வேண்டும்: செனட்டில் இருப்பது வேறு, ஜனாதிபதியாக இருப்பது வேறு என்று ஒபாமாவிற்கு முதல் நாளே தெரிந்து விடும் (இதுவரை தெரியாமல் இருந்தால்). எனவே வறட்டு ‘ராம்போ’ வசனங்களை எல்லாம் மூட்டைக் கட்டி வைத்து விட்டு இராக்கிய மித வாதிகளைக் கண்டறிய வேண்டும். அவர்களை இராக் மக்களிடையே கொண்டு செல்ல வேண்டும்.

இராக் நாடு மதப்பிரிவுகளில் மிகுந்த அக்கறை காட்டும் நாடு. இதனால் அனைத்துப் பிரிவினரயும் உள்ளடக்கிய ஒரு குழு பதவியில் இல்லாமல் மக்களை அணுக வேண்டும். தேவைப்பட்டால், முக்தாதா அல் சதர் போன்ற உக்கிரமான மதத் தலைவர்களையும் அந்தக் குழுவில் இடம் பெறச் செய்யவேண்டும். வரும் வன்முறைகளுக்கு அந்த மதத் தலைவர்கள் பொறுப்பு என சுட்ட வேண்டும். இதையும் மீறி அந்த மதத் தலைவர்களின் ஆட்கள் வன்முறையில் இறங்கினால் மக்களே புறக்கணிப்பார்கள். இவை அனைத்தும் பின்புலத்தில் நடக்க வேண்டும்.

தற்போதைய அரசாங்கம் சதாமிற்கு ஒரு மாற்றுதானே தவிர மக்கள் இன்னும் அதை ‘வரதராஜ பெருமாள்’ அரசாகத்தான் பார்க்கிறார்கள்.

அமெரிக்க அரசாங்கம் (அரசியல் செயல்களில்) முண்ணனியில் இருப்பதாகக் காண்பித்துக் கொண்டால் பிரிவினை/தீவிர வாதிகள் நிச்சயம் விரும்பமாட்டார்கள். இதன் பின் அமெரிக்கத் துருப்புகள் விலகல் ஆரம்பித்தால் நல்லது. நிச்சயம் இன்னும் இரண்டு வருடங்களாவது ஆகும்.

1b) அங்குள்ள நிலை: சதாம் இருந்த வரை செய்திகள் கசிந்தன. இப்போதைய அரசில் (?!) வெளி வருகின்றன. மற்றபடி ஆட்சி முறை அப்ப்டியே தான் இருக்கிறது. ஷியா, சுன்னி பிரிவினரிடயே ‘அமெரிக்கா எப்போ ஒதுங்குவான், நம்ம அடித்துக்கொண்டு சாகலாம்’ என்று காத்திருக்கிறார்கள். ஆட்சியாளர்கள் ‘இதெல்லாம் இருக்கட்டும், வடக்கே குர்துக்களின் தலையை எப்படி எடுக்கலாம்’ என்று யோசித்துக் கொண்டிருக்கிறார்கள்.

மற்றபடி, பணத்துக்கு விலை போதல், இரு குழுக்களிடையே மோதல் உண்டாக்கி குளிர் காய்தல், வருங்காலத்தைப் பற்றி யோசிக்காமல் முட்டாள்களாகவே இருத்தல் என்ற typical அராபிய ஆட்சி முறை ஜோராக நடக்கிறது.

1c) குர்துக்கள் தனிநாடு பெறுவது இராக்கை விட துருக்கியின் கைகளில் தான் இருக்கிறது. துருக்கி இராணுவம் பலமானது (மற்ற அரபு நாடுகளோடு ஒப்பிடும் போது). இவர்களை மீறி வடக்கே இராக்கில் மட்டும் குர்துக்கள் தனி நாடு பெற முடியாது. துருக்கி நேட்டோவில் இருப்பதால் மேற்கத்திய வல்லரசுகள் சும்மா முனகிவிட்டு பேசாமல் போய்விடும்.

காஷ்மீரைப் போன்றது இந்தப் பிரச்சினை.

1d) மெக்கெய்ன் அதிபரானால்: ஆரம்பத்தில் மெக்கய்னிடம் இருந்த நம்பிக்கை போகப் போக நீர்த்து விட்டது. இராக் பிரச்சினக்கு, இவர் ஆட்சிக்கு வருவதும், டிக் செய்னி வருவதும் ஒன்றுதான். இயல்பாகவே மெக்கெய்ன் இராணுவ வீரர். இவரால் விட்டுக் கொடுத்து தொலை நோக்குப் பார்வையோடு இராக் மிதவாதத் தலைவர்களை அணுக முடியாது,

2. Africom: ஆப்பிரிக்காவில் மூக்கை நுழைப்பது ஜெர்மனி/ஜப்பானில் இருக்கும் நிரந்தர அமெரிக்க படை போல் சாதுவாக சமாதானமாக அமையுமா? அல்லது சவூதியில் புகுந்த அமீனாவாக இன்னும் சில குவைத்களையும் இராக்குகளையும் குட்டி போட்டு குழப்பத்திற்கு இட்டு செல்லுமா?

மத்தியக் கிழக்கு நாடுகளில் பட்ட சூட்டில் ஆப்பிர்க்காவில் அமெரிக்கா சர்வ ஜாக்கிரதையாகத்தான் இருப்பதாகக் கருதுகிறேன் (இதைப் பற்றி சொற்பமாகப் படித்த வரையில்). சொமாலியா மற்றும் சூடான் தவிர்த்து மிகப் பெரியப் பிரச்சினை இதுவரை இல்லை. எகிப்து அமெரிக்காவின் செல்லப் பிள்ளை.

லிபியா, சதாமுக்கு நடந்த மண்டகப்படியில் அரண்டுப் போய் கிடக்கிறது. மற்ற ஆப்பிரிக்க மக்கள் தங்களின் அன்றாடத் தேவைகளிலும் தங்கள் இனத்திலேயே அடைந்துக் கிடப்பதாலும், அமெரிக்காவைப் பற்றி கவலைக் கொள்ளவில்லை.

3. லெபனான், பாலஸ்தீனம்: சுதந்திரம், விடுதலை போன்றவை ஹெஸ்பொல்லா, ஹமாஸ் என்று மொழியாக்கப்பட்ட நிலையை அமெரிக்கா தோற்றுவித்திருக்கிறது. நல்லதா/கெட்டதா? அடுத்து எங்கே ராஜா கவிழ்ந்து மக்கள் ராச்சியம் உதிக்கும்? உதிக்க வேண்டுமா?

Advertisements

கருத்து சுதந்திரமா – லிட்டருக்கு எத்தன ரூபா??

செய்தி: AFP: Rights group highlight threats in Europe on press freedom day | ‘Predators of press freedom’ identified – UPI.com

  1. இஸ்லாமிய போராளிக் குழுக்கள்: ஆப்கானிஸ்தான், இராக், பாகிஸ்தான்
  2. Ilham Aliev: அஜர்பைஜான்
  3. அலெக்சாந்தர் லுகாஷென்கோ (Alexander Lukashenko): பெலாரஸ்
  4. Than Shwe: பார்மா (மியான்மர்)
  5. Hu Jintao: சீனா
  6. Diego Fernando Murillo Bejarano: கொலம்பியா
  7. ஆயுதந்தாங்கிய கொலம்பிய புரட்சிப் படை (Revolutionary Armed Forces of Colombia (FARC)): கொலம்பியா
  8. ரௌல் காஸ்ட்ரோ: கியூபா
  9. Teodoro Obiang Nguema: மத்தியரேகை கினியா (Equatorial Guinea)
  10. Issaias Afeworki: எரிதிரியா (Eritrea)
  11. Yahya Jammeh: காம்பியா (Gambia)
  12. Ali Khamenei: இரான்
  13. மஹ்மூத் அஹ்மதிநிஜாத் (Mahmoud Ahmadinejad): இரான்
  14. இஸ்ரேல் இராணுவம்: இஸ்ரேல்
  15. Nursultan Nazarbayev: கஜக்ஸ்தான் (Kazakhstan)
  16. Choummaly Sayasone: லாவோஸ்
  17. Muammar Gaddafi: லிபியா
  18. நட்சத்திர காவல் துறை (Star Force Police): மாலத்தீவுகள் (Maldives)
  19. போதை மருந்து கடத்தல் குழுக்கள்: மெக்ஸிகோ
  20. போராளிக் குழுக்கள்: நேபாளம்
  21. அரசு பாதுகாப்பு சேவை (SSS): நைஜீரியா
  22. கிம் ஜாங் இல்: வட கொரியா
  23. பாலசுதீன அதிகார சபை: பாலஸ்தீனம், காசா கரை
  24. பாலஸ்தீன பாதுகாப்பு படை: பாலஸ்தீனம், மேற்கு கரை
  25. விளாதிமிர் புடின்: ருஷியா
  26. Paul Kagame: ருவாண்டா
  27. Abdallah Ibn al-Saud: சவுதி அரேபியா
  28. Mohamed Dhere and Mohamed Warsame Darwish: சோமாலியா
  29. Al-Shabaab: சோமாலியா
  30. ETA: ஸ்பெயின்
  31. வேலுப்பிள்ளை பிரபாகரன் (விடுதலைப் புலிகள், தமிழீழம்): இலங்கை
  32. கோத்தபாயா ராஜபக்சே (Gotabhaya Rajapakse), இராணுவ/பாதுகாப்பு அமைச்சர்: இலங்கை
  33. Bashar el-Assad: சிரியா
  34. Zine el-Abidine Ben Ali: டுனிசியா
  35. Gurbanguly Berdymukhammedov: துருக்மெனிஸ்தான்
  36. Islam Karimov: உஜ்பெகிஸ்தான்
  37. Nong Duc Manh: வியட்நாம்
  38. ராபர்ட் முகாபே: ஜிம்பாப்வே

தொடர்புள்ள வரைபடங்கள்: Map of Freedom in the World & freedomhouse.org: Map of Press Freedom

முழுமையாக வாசிக்க: Reporters Without Borders :: Reporters sans frontières – International

முந்தைய பதிவு: இன்றைய உலகம் & சுதந்திரம் & தணிக்கை – சிந்தனை