Tag Archives: விசாரணை

நல்ல கேள்வியைக் கேட்பது எப்படி?

நிறைய கேள்வி பதில்கள் பதிவகங்களில் கிடைக்கின்றன. இந்தப் பதிவின் இறுதியில் தற்காலத் தொகுப்பை பார்க்கலாம்.

கேள்வி எப்படி கேட்க வேண்டும் என்பதற்காக இந்தக் வலைக்குறிப்பு…

Mortgage crisis; sub prime loan பிரச்சினைகள் என்று ஏழு கடல், ஆறு மலைகளைத் தாண்டி அமெரிக்க கனவை நிறைவேற்றிக் கொள்கிறார்கள் புதுமணத் தம்பதியினர். வீடு வாங்கினார்கள். கொஞ்சம் சல்லிசாக கிடைக்கிறது என்பதற்காக மஞ்சக்கடிதாசு கொடுத்தவரின் பழைய வீட்டை அமுக்கிப் போடுகிறார்கள்.

ஹாலில் கோவிந்தா பிங்க் பல்லை இளிக்கிறது. அவர்களுக்கு மைக்ரோசாஃப்ட் விஸ்டாவின் இனிமையான வண்ணங்கள் மட்டுமே மனதுக்கு லகுவாக இருக்கும். மாற்ற முடிவெடுக்கிறார்கள்.

பக்கத்துவீட்டுக்காரன் ஆன என்னை அழைத்து, “உங்களுக்கும் இதே சைஸ் ஹால்தானே? இப்பத்தான் வெள்ளையடிச்சேன்னு சொல்றீங்க… எத்தனை டப்பா பெயிண்ட் வாங்கினீங்க?”

“ஏழு” என்றேன்.

சூலா அமுது கூட விருந்தோம்பாமால், துரத்திவிட்டு விடுகிறார்கள்.

ஹோம் டிப்போ சென்று ஏழு டப்பாவை வாங்கி, வேலையை ஜரூராக ஆரம்பிக்கிறார்கள். நான்காம் டப்பா முடிவதற்குள் ஹால் பளிச்சென்று தயார்.

கோபம் கலந்த குழப்பத்துடன் மாம்பழ மார்ட்டினி பருகும் ராத்திரியில் கதவு தட்டப்படுகிறது. “நீங்க சொன்ன பேச்சக் கேட்டதால், மூணு டப்பா வேஸ்டு!!” என்கிறார்கள்.

“ஓ… உங்களுக்கும் பாக்கி ஆயிடுச்சா!” என்று வழியனுப்பினேன்.

கேள்வி வடிவமைப்பது ரொம்ப முக்கியமான விஷயம்.

இனி பதிவுகள்…

  1. தனித்திரு விழித்திரு பசித்திரு – செந்தழல் ரவி: “முடியல முடியல் – கேள்வி பதில் பதிவு”
  2. Vasantham Ravi வசந்தம் ரவி: “வசந்தம் ரவி ரிடன்ஸ் – கேள்வி பதில் பதிவு”
  3. முதுவை ஹிதாயத்: இஸ்லாம் கேள்வி-பதில்
  4. ரவிபிரகாஷ் – ஏடாகூடம்: கற்பனைக் கேள்வி பதில்! (கல்கி – 30.3.80)
  5. :-): தானே கேள்வி தானே பதில் – அதிரடிப் பதிப்பு!!
  6. பரஸ்பர நிதி: பரஸ்பர நிதி – கேள்வி பதில் 2 (Mutual Funds. Q&A part 2)
  7. நாகரீக கோமாளி: பதில்களற்ற கேள்விகள்
  8. தமிழ் பைபிள் பாருங்க: கிறிஸ்த்தவம் கேள்வி பதில்
  9. Dondus dos and donts: டோண்டு பதில்கள் – 21.03.2008
  10. ஆச்சார்ய ஹ்ருதயம்: குருவிடம் சில கேள்விகள் – 2
  11. கலைஞருக்கு சில கேள்விகள்… « கடுகு.காம் – Kadugu.Com
  12. IdlyVadai – இட்லிவடை: இட்லி வடை பதில்கள் 31-3-2008
Advertisements

கண்ணை நம்பாதே… உன்னை ஏமாற்றும்!

ஏப்ரல் 1 வாழ்த்துகள் 

voices-philosophy-head-dog-belief-eye-rationale-cartoon-new-yorker.gif

கருத்துப்படம்: தி நியூ யார்க்கர் Cartoons from the Issue of April 7th, 2008: Issue Cartoons: The New Yorker

நகைச்சுவைத்துவம்:

ஜனார்தனுக்கு வேலை சீக்கிரமே முடிந்துவிட, மூன்று இருபது 12சி -யைப் பிடித்து வீடு திரும்பி விடுகிறார். கிராண்ட் ஸ்வீட்ஸ் அல்வாவும் கையுமாக இல்லத்தரசிக்கு இன்ப அதிர்ச்சி கொடுக்க நுழைந்தால், போர்வைக்குள் பப்பி ஷேமாக மாடி வீட்டு மாதவனுடன் மனைவி இருக்கிறாள்.

ஜனார்தன் வாயைத் திறப்பதற்கு முன், படுக்கையில் இருந்து துள்ளி குதித்து மாதவன் கேட்கிறார்:

“இருபதாண்டு கால உன் நண்பன் நான் சொல்வதை நம்பப் போகிறாயா அல்லது உன் கண்ணால் கண்டதையா?”