Category Archives: Independent

USA Primary & Presidential Series – 4: ThinkProgress & Vote-Smart

தேர்தல் குறித்த தகவல்களை, அதிகம் பிரபலமாகக் கூடாத விஷயங்களை அறிய, பின்னணி காய்நகர்த்தல்களை தெரிந்து கொள்ள இரண்டு வலையகங்கள்:

1. Think Progress

சிறு சிறு தகவல். அதன் தொடர்பான விழியம் என்று வல்லுநர்கள் முதல் வாக்காளர் பட்டியலில் இல்லாத என்னைப் போன்றோர் வரை அனுதினமும் பார்வையிடும் தளம்.

அமெரிக்காவில் என்ன பிரச்சினைகள் முக்கியமானவை என்று அறிய நேரிடும்போது இரத்தக்கொதிப்பு அதிகமாகலாம்.

2. Project Vote Smart – American Government, Elections, Candidates and Voting

ஜனாதிபதி தேர்தலுக்கு ஒன்றரை வருடம் இருந்தாலும், பிரச்சாரம் அனல் பறக்கிறது. அன்றைய தேதியில் என்ன சொன்னார்கள், எப்படி எதிர்வினைத்தார்கள், எங்கே நானூறு டாலரில் சிகையலங்காரம் நடந்தது என்பதுதான் தெரிகிறது.

இவர்கள் வேட்பாளர்களின் ஜாதகத்தை கொடுக்கிறார்கள். சட்டசபையில் எப்படி வாக்களித்திருக்கிறார், தற்போதுள்ளதாக பறை சாற்றும் கொள்கைப்பிடிப்புக்காக எந்த அளவு கொடி பிடித்திருக்கிறார், தேர்தல் நிதியை எங்கிருந்து கையேந்துகிறார், யாருக்கு விசுவாசமாக வாலாட்டுவார என்றெல்லாம் அறிய முடியும்.

மாகாணவாரியாக உள்ளூர் பிரச்சினைகளைக் குறித்தும் விரிவான அறிமுகம் கிடைக்கிறது.

USA Primary & Presidential Series – 3: Bloomberg as Independent

அமெரிக்க ஜனாதிபதிக்கான தேர்தல் குட்டையை குழப்புவதற்கு புதியதாக ப்ளூம்பர்க் குதித்திருக்கிறார். தற்போது நியு யார்க் நகரத் தந்தை (மேயர்) பதவி. நாளைக்கு சுயேச்சை வேட்பாளர்?

இந்த தடவை நியு யார்க் நகரை சேர்ந்தவர்களின் ஆக்கிரமிப்பு பரவலாகக் காணப்படுகிறது. சுதந்திரக் கட்சியின் வேட்பாளர்களில் முன்னணியில் இருப்பவர் ஹில்லரி க்ளின்டன். தற்போது நியுயார்க்கில் இருந்து செனேட்டராக இருக்கிறார்.

எதிர் கட்சியை சேர்ந்த முன்னணி வேட்பாளர் ரூடி ஜியூலியானி முன்னாள் நகரத் தந்தையாக இருந்தவர். அவருக்கு இருக்கும் USP-ஏ 9/11 அன்று மேயராக இருந்ததுதான்.

‘்தன்னாததன்னால் இன்னொருத்தரின் வெற்றி வாய்ப்புக்கு பங்கம் வந்தால் நிச்சயம் போட்டியிட மாட்டேன்’ என்னும் வாக்குறுதியுடன் வாக்காளர்களின் நாடித்துடிப்பை மோப்பம் பிடிக்க ஆரம்பித்துள்ளார் ப்ளூம்பெர்க். ஆல் கோர்-இன் வெற்றி வாய்ப்பை நோகடித்து, ‘எனக்கு ஒரு கண் போனால், சுதந்திரக் கட்சிக்கு ரெண்டு கண் பணால்!’ என்னும் கொள்கையுடன் வாழ்ந்த ரால்ப் நாடருக்கு இந்த மேற்கோள் சமர்ப்பணம் என்பதை குறிப்பால் உணர்த்தியிருக்கிறார்.

பத்மா சொன்னது போல் ஆல் கோர் துணை ஜனாதிபதியாக ஒத்துக் கொள்வாரா என்று தெரியவில்லை. ஆனால், நியூஸ்வீக் போன்ற பத்திரிகைகள், ப்ளூம்பர்க் கட்சி சார்பற்றவராக ஆனதற்கு முழு முதல் காரணமே இதற்காகத்தான் என்று மெழுகுவர்த்தி அணைத்து சத்தியம் செய்கிறார்கள்.

1. George F. Will: Bloomberg to the Rescue? – Newsweek George F. Will – MSNBC.com: He is said to represent ‘post-partisanship,’ but if so—if he is not a partisan of any large, controversial causes—why is he needed?

2. Michael Bloomberg’s Knightly Ambitions

3. Alter: The Mayor’s Veep Scenario – Between the Lines: “Alpha males always rule out running for vice president when the subject comes up. But they almost always wind up signing on.”

கடைசியாக தற்போதைய கருத்துக் கணிப்பு நிலவரம்: Poll: June 22, 2007 – Newsweek Politics

கொசுறு: டெமொக்ராட்ஸ் சார்பாக ஹில்லாரி வேட்பாளரானால், ப்ளூம்பர்க் ஒண்டிக் கொண்டு துணை ஜனாதிபதியாக முடியாது. இருவரும் நியு யார்க் மாகாணத்தை சேர்ந்தவர்கள். ஆனால், வேறு எவர் நின்றாலும், (முன்னாள் நகரத் தந்தை ரூடி ஜியுலியானி உட்பட) இவரை சகாவாக சேர்த்துக் கொள்ள முடியும்.