Category Archives: Blogs

சுட்டிசாரி

நடைபாதையில் செல்பவர் பாதசாரி.

கம்யூனிசம் பேசினால் இடதுசாரி.

விஜய்காந்த் வலதுசாரி.

என்பது போல் சுட்டி கொடுக்கும் வலைஞர்கள் சுட்டிசாரிகள். 

வலப்பக்க உரல்கள் என்றவுடன் நினைவிலாடுபவர் பத்ரி. இவர் இப்போது ரொம்ப சிக்கனமாகி விட்டார். இன்ட்ரெஸ்டிங்காக எதுவுமில்லை.

இன்றைய அளவில் அசுரன் பதிவுதான் ‘வலைப்பதிவில் சுட்டிகள்’ என்று தோன்றியவுடன் பயன் தருமாறு அமைந்திருக்கிறது. மார்க்ஸியம், கூகிள் ரீடர், தத்துவம், வரலாறு, தோழமை தளங்கள் என்று முழுமையான வீச்சு.

அதே மாதிரி மென் நூல்கள், பல்கலை சுட்டிகள் இன்ன பிற என்று பயனுள்ள தோரணம் கட்டுகிறார் கேயாரெஸ்.

இந்தப் பதிவு எழுதுவதற்கு காரணமாக இருந்தவர் கோவி கண்ணன். ‘அடிக்கடி நுழைவது‘ என்று அடைமொழியுடன் விளிப்பது கவனத்தை ஈர்த்தது.

அதே போல் நாமகரணங்களுடன் உண்மைத்தமிழனும் அறிமுகம் தருகிறார்.

முபாரக் ‘கைகாட்டி மரங்கள்‘ என்று கவிபட அழைக்கிறார்.வலைவீச்சு என்கிறார் சன்னாசி.

நண்பர்கள் என்று ப்ளாக்மெயிலில் இறங்கிவிடுகிறார் செல்வன்.

சிந்தனையாளர்கள் என்று பட்டம் தருபவர் தமிழ்மணி.

இடது, வலது பாகுபாடில்லாமல் மோகந்தாஸும், ‘முதுகு சொறிதல்‘ என்று துதியுடன் தாதாக்களுக்கு மாமூல் வைக்கிறார்.

என்னுடைய தாத்தா கால பதிவில் வைத்திருக்கும் வகைப்படுத்தல் தலைப்புக்காக விளக்கங்கள் கொடுத்து கண்டிப்புகள் பெற்று, உவகை அடைய வத்திருக்கின்றன.

பூக்கிரியை மட்டும் இனிஷியல் போட்டு மற்றவர்களை தனிமையில் தொடுக்கிறார் அய்யனார்.

இந்த மாதிரி காரணப்பெயர் இட்டிருந்த பிரகாஷ் சுருக்கெழுத்துக்கு மாறிவிட்டார். இன்னும் மாறாதவர் மூக்கு சுந்தர்.

தான் எழுதியதை ஒழுங்கமைத்து தொகுத்துத் தருகிறார் எம்.எஸ்வி  முத்து. அதே போல் முழுநேர சந்தைப்படுத்தலில் இறங்கிய இன்னொருவர் வெட்டிப்பயல்.

தேடுபவர்கள் விரும்புவதை கூகிலே அசருமாறு வைத்திருக்கிறார் பிகேபி.

எல்லோரும் பிரதியுபகாரம் செய்வது போல் திரட்டிகளை கை காட்டுகிறார் பெட்டை.

இணைப்புகளில் வித்தியாசமானவற்றை வைத்திருப்பதன் மூலம் கவர்கிறார் கல்வெட்டு.

வோர்ட்ப்ரெஸ்.காமின் சாத்தியக்கூறுகளை புலப்படுத்துகிறார் சேவியர்.

தான் எழுதிய நுட்பங்களை முன்னிறுத்துகிறார் ஜெகத்.

பட்டறையை இன்றும் மறக்காதவர் விக்கி. சற்றுமுன் போட்டியை அகலாமல் வைத்திருப்பவர் ஆசிப்.

விளம்பரங்களுக்கு நடுவில் வலைப்பந்தல் வைத்திருக்கிறார் சர்வேசன்.

கிட்டத்தட்ட ‘சைடுபார் முன்னேற்ற கழகம்‘ தொடங்க ஐ.எஸ்.ஓ சான்றிதழ் தரப்பட்டியல்களுடன் கூடியதாக ஹரன்பிரசன்னாவயும் இட்லி-வடையையும் சொல்லலாம்.

மின்மடல் வேண்டுபவர்கள், அஞ்சலில் பிரதியெடுக்க விரும்புபவர்கள் போன்றவர்களுக்கு ஏதுவாக நோ நான்சென்ஸ் சுட்டி சாரி ஜமாலன்.

கடைசியாக, எட்டப்பனாக எட்டாத சுட்டிகளை தட்ட வைக்கும் நோக்கில் இயங்கும் வலைச்சரம்எனது பதிவு இடம்பெற்றிருக்கிறதா‘ என்று ஆர்வத்துடன் நோக்கவைக்கிறது.

என்ன வேணா பட்டை போடுங்க…

பாட்டை மட்டும் போட்டு படுத்தாதீங்க! என்று சரணமடைவதுதான் என் பல்லவி.

Advertisements

எல்லாம் கருத்தாக்கல் மயம்

உலகப்பொதுமறை:
1. இது சிதம்பர ரகசியம் எல்லாம் இல்லை. மென்பொருள் துறையில் வேலை செய்யும் எல்லோருக்கும் தெரிந்த ஒன்று தான்.
தமிழ் சசி / Tamil SASI (ஒரு மணி நேரத்தில் திரட்டி செய்வது எப்படி ?)


நாட்டாமை & சட்டம் என் கையில்:
2. திரட்டிகள் வெறும் பதிவு, பின்னூட்டம் திரட்டுவது என்று மற்ற திரட்டிகள் போலில்லாமல் ஒரு வலைப்பதிவு சமூகமாக இருந்து வருகின்றது, நட்சத்திரம், பூங்கா, சுடர் விளையாட்டு என தமிழ் வலைப்பதிவர்களின் பங்கேற்ப்பை ஊக்குவிக்கின்றது, information காலத்தை தாண்டி இப்போது(ம்) நாம் Participatipon (participation) காலத்தில் இருக்கிறோம்.

OPML என்பது ஒரு திரட்டியின் சொத்து.

தமிழ்மணத்தில் பதிவர் பட்டியல் இருக்கே அங்கேயிருந்து எடுத்துக்கொள்ளவேண்டியது தானே என்றால் அங்கே காப்பிரைட் பிரச்சினை உண்டு.
குழலி (OPML பகிர்வு, ip , திரட்டி அரசியல், டெக்னாலஜி பிதாமகன் ரவிசங்கரின் டெக்னிக்கல் தவறுகள் மற்றும் இன்ன பிற…)


உன்னால் முடியும் தம்பி:
3. ஒரு பதிவரின் பதிவைத் திரட்ட அவரின் அனுமதி தேவையில்லை என்பது எனது ஆணித்தரமான கருத்து.

இணையம் இயங்குவதற்கே இது தான் அடிப்படை. சுதந்திரம் விரும்பும் பதிவர்கள் முதலில் வலைப்பதிவில் எழுதவே கூடாது.
ரவிசங்கர் (பதிவுகளைத் திரட்ட பதிவரின் அனுமதி தேவையா?)


தில்வாலே துல்லானியா லே ஜாயேங்கே வசனம் மாதிரி படிக்கவும்:பெரிய பெரிய திரட்டிகளில் இப்படி சின்னச் சின்ன முடக்கல் எல்லாம் சகஜமப்பா’
(“It’s alright Senorita, Bade Bade Deshon Mein, Aisi Choti Choti Baatein Hoti Rahti Hain.“)

4. தமிழ்மணம் வழங்கி செயல் இழந்தாலோ தளப் பராமரிப்பு வேலைகளுக்காகத் தளத்தைத் தமிழ்மணம் தற்காலிகமாக முடக்கி வைத்தாலோ, அது தமிழ்மணக் கருவிப்பட்டைச் சேவையைப் பெறும் 2000+ பதிவுகளையும் சேர்த்து முடக்கும். முடக்கும் என்றால் தமிழ்மணம் வழமைக்குத் திரும்பும் வரை 2000+ பதிவுகளின் ஒரு பக்கத்தையும் யாரும் திறக்கவும் படிக்கவும் முடியாது. அல்லது, பக்கம் திறக்கப்பட மிக மிகத் தாமதம் ஆகலாம்.
ரவிசங்கர் (தமிழ்மணம் – Defective by design !)


ஃப்ரீயா கொடுத்தா பினாயிலைக் கொண்டு பாரணைய முடிச்சுக்குங்க
5. தமிழ்மணத்தில் இடுகைகளை இணைத்தால் தானே இந்த பிரச்சினை? இடுகைகளை இணைக்காமல் விட்டால் பிரச்சினையிருக்காதே. எப்படியும் ‘நிறுவனப்படுத்தப்பட்ட திரட்டிகளுக்கு’ எதிரான உங்களுக்கு உங்கள் இடுகைகளை அத்தகைய திரட்டிகளில் இணைக்க வேண்டிய அவசியம் இருக்காதென்றே
நினைக்கிறேன். அவ்விதத்தில், உங்கள் இடுகைகள் திரட்டிகளின் பிடிகளில் சிக்காமல் உங்கள் சுதந்திரமும் காப்பாற்றப்படும்; படம் தோன்ற வாய்ப்பில்லாமல் உங்கள் பிரைவேசியும் காப்பாற்றப்படும் அல்லவா? அதைவிட, திரட்டிகளிலிருந்து உங்க பதிவுகளை முழுமையாக நீக்கச்சொல்லிக் கேட்டால் அனைத்து பிரச்சினைகளுக்கும் முற்றுப்புள்ளி வைத்த மாதிரி ஆகிவிடுமே!
மு. சுந்தரமூர்த்தி (தமிழ்மணத்துக்கு பகிரங்க மடல் :))


ஆலோசனை எப்பவுமே அடுத்தவருக்குத்தான்; பூங்காவுக்கல்ல!
6. எளிமையாக எழுதுதல் என்பது முதிர்ந்த எழுத்தின் அடையாளம். (என்றால்)
Thangamani


உதாரணங்கள், ஒப்புமைகள், எடுத்துக்காட்டுகள் எல்லாம் ஒரு வழிப்பாதை
7.இந்தியாவில் குடும்பம் குட்டியோடு வாழ்ந்து கொண்டு இந்திய அரசாங்கத்தின் செயல்பாடுகளை கடுமையாக விமர்சனம் செய்பவர்கள் இது போன்ற கேள்விகள் கேட்பவர்களில் பலருண்டு. அவர்களை பார்த்து “இந்தியாவில் இருப்பதுதானே ப்ரச்னை. இந்தியாவை விட்டு வெளியேறி சுபிட்சமாக இருக்கலாமே” என்று சிறுபிள்ளைத்தனமாக கேட்டால் என்ன பதில் சொல்வார்கள் என்று அறிய ஆவலாக இருக்கிறது.
முகமூடி8. you have the cake and eat it too. That is fine. But the strange thing is you want chew the cake and spit it on their face.
மு. சுந்தரமூர்த்தி

9. மு.மூ.வின் புத்திசாலித்தனமான உதாரணத்தை (அது குழந்தைத்தனமானதாக இருப்பினும்)நீங்கள் ரசிப்பதும் விசித்திரமாக உள்ளது.
மு. சுந்தரமூர்த்தி


நீதிமன்ற அவமதிப்பு வழக்குத் தொடுக்கப்படும்
10. ஒரு வேண்டுகோள் விடுவித்தால் அதனை சரி செய்யப்பார்க்கனும், இல்லைனா, எதுக்கு இங்கே வரேனு கேட்டா எப்படி?
இலவச உணவு வழங்கினாலும் அதில் புழு இருந்தால் கேள்வி கேட்பார்கள். ஓசி சோறு அதில என்ன கேள்வினு கேட்க முடியாது.
வவ்வால்


நன்றி சொல்ல எனக்கு… வார்த்தையில்லை எனக்கு… நாந்தான் மறுகறேன்
11. இன்னும் இதில் உள்ள சிலர் அவர்கள் பதிவில் ஒருவர் பின்னூட்டம் போட்டால் அவர்களுக்கு பிடித்தால் மட்டுமே வெளியிடுவர்கள், அப்படியே வெளியிட்டாலும் அதுகுறித்து கண்டுக்கொள்ள கூட மாட்டார்கள். அதாவது ஒரு பதிலும் கூற மாட்டார்கள். குறைந்த பட்சம் நன்றி தெரிவிக்கும் நாகரீகம் கூட இல்லாதவர்கள். இவர்கள் எல்லாம் விருது குழு என்று சொன்னால் … எப்படி.
வவ்வால்


கடவுளிடம் வேண்டுகோள் வைக்கலாம்; உண்டியலில் காசு போடலாம். நியாயமா என்றால் கண்ணைக் குத்திடும் உம்மாச்சி
12. தமிழ்மண சேவை என்பது ஒன்று இப்படி இருக்க வேண்டும், இல்லை அப்படி இருக்க வேண்டும், இதைவிட்டு வேறு எப்படி இருக்க முடியும் என்று கேள்வி கேட்க நீங்கள் எந்த அத்தாரிட்டியை வைத்திருக்கிறீர்கள்? ஏன் இடைப்பட்ட ஒரு நிலையில் இருக்க முடியாதா? இன்னின்னவாறு இருந்தால் நன்றாக இருக்கும் என்று யோசனைகள் சொல்வது வேறு! இப்படி எப்படி இருக்கப் போயிற்று என்று எதிர்கேள்வி கேட்பது வேறு!
செல்வராஜ் (R.Selvaraj)


(படிக்கப் படிக்க முத்துக்கள் சேர்க்கப்படும்)


இதெல்லாம் படிக்கும் போது என் மகள் பக்கத்தில் இருந்து கொண்டு கேட்ட கேள்வி:
‘ஏம்ப்பா எங்கே பார்த்தாலும் ஒரே ஆச்சரியக்குறியா இருக்கு?

Dedicated to Bloggers

எல்லோரின் சிந்தனையும் சங்கமிக்கும் அதிசயப் பொழுது:

optimists_pessimists_mister_boffo_think_alike.jpg

நன்றி: Mr. Boffo Archives


எப்பொழுது நிறுத்துவது என்ற்றறியா மடந்தைநிலை:

stop_being_fun_comics_hagar_the_horrible.gif

நன்றி: Arts & Living: Comics (washingtonpost.com)


வலைப்பதிவு: சிறுகுறிப்பு வரைக:

pearls_before_swine_blog_definition_comics_cartoons.gif

நன்றி: Arts & Living: Comics (washingtonpost.com)

இணைய ரேகிங் – 13 வயது பெண் தற்கொலை

47 வயதான பெரியவர் இணையத்தில் 16- ஆக வேஷம் கட்டியிருக்கிறார். மைஸ்பேஸ்.காமில் குடிபுகுந்து 13 வயதான பக்கத்து வீட்டுப் பெண்ணுடன் நட்புடன் பழக ஆரம்பித்திருக்கிறார்.

‘வீட்டில் தொலைபேசி இல்லை’ என்று பொய் சொல்லிவிட்டு, வலை மூலமாக மட்டுமே அறிமுகத்தை வளர்த்திருக்கிறார்.

திடீரென்று ஒரு நாள் மோசமாகப் பேச ஆரம்பித்து அவளை புண்படுத்த, மனம் வெதும்பியதில் அவள் தூக்கு மாட்டி இறந்து விட்டாள்.

இந்த குற்றத்திற்கு காரணமான கிழவருக்கு என்ன தண்டனை?

எதுவுமே இல்லை!

அமெரிக்காவில் இன்னும் அதற்கான சட்டம் இல்லை என்பதால் கடந்த வாரத்தில் புது சட்டம் இயற்றப்பட்டது: ‘500 டாலர் அபராதமும் 90 நாள் சிறைத்தண்டனையும் அதிகபட்சமாக தரப்படும்’.

இணையத்தின் தாக்கங்களில் இருந்து தாக்குப் பிடிக்க நிரம்ப மனோதிடம் வேண்டும்!

செய்தி: A Hoax Turned Fatal Draws Anger but No Charges – New York Times

பி.கு.: கல்லூரி மாணவர்களிடையே ரொம்ப புகழ்பெற்ற கடுப்பேற்றும் சொற்றொடர்களில் ஒன்று: ‘உன்னைப் பெத்ததற்கு உங்க அப்பா, அம்மா, நைட் ஷோ போயிருக்கலாம்டா!’ சென்னை 600028- இல் கூட இந்த வசனம் வரும். நேரில் சொல்லும்போது கலாய்த்தல் மாதிரி பொருள் தரும். குறுந்தகவலாகவோ மின்னஞ்சலாகவோ வந்தால் வெறுப்பைத் தூண்டலாமோ!?

2007 -Year in Review

இந்த வருடத்தின் நாயகர் யார்? எது பெரிதும் விவாதிக்கப்பட்டது? எது அதனினும் விரிவாக கவனத்தை ஈர்த்திருக்க வேண்டும்? கண்டுபிடிப்பு, விஞ்ஞானம், வித்தியாசமான முயற்சி ஏதாவது? முக்கிய சம்பவம், சோக நிகழ்வு, ஜல்ஸா விஷயம்??

பருந்து பார்வை:

ஜனவரி:

வலைப்பதிவுகளில்:

  1. பொங்கல் படங்கள்: போக்கிரி – பருத்தி வீரன் – தாமிரபரணி – சண்டக்கோழி – ஆழ்வார்
  2. ப்ளாக்ஸ்பாட் ப்ளாகரின் புதிய வடிவம்
  3. அப்துல்கலாம் தலைமுடி – அப்சல் – பால்தாக்கரே
  4. கலைஞரும் சாயி பாபாவும் சந்திப்பு
  5. அயோத்தியா மண்டபம் – சுஜாதா – குமுதம் – சாதியக்குரல்!
  6. சென்னை புத்தகக் கண்காட்சி
  7. ஷில்பா ஷெட்டி – பிக் பிரதர் – இனவெறி – நிறப்பிரிகை
  8. துக்ளக் 37-வது ஆண்டுவிழா மீட்டிங்
  9. ஆஸ்கார்
  10. குரு – மணி ரத்னம்
  11. வீராசாமி – அரட்டை அரங்கம் – டி ராஜேந்தர்
  12. பெரியார் படப்பாடல்கள்
  13. முத்தமிழ்க் குழுமக் கொண்டாட்டங்கள்
  14. கில்லி – 365
  15. தமிழ்மணம் விவாதக்களம் » விவாதம் ஆரம்பிக்கிறது

செய்திகளில்:

  1. வங்கதேச தேர்தல் ஆணைய உறுப்பினர்கள் ராஜினாமா
  2. இலங்கையில் கட்சித் தாவல்
  3. சோமாலியத் தலைநகர் மொகடிஷுவில் தொடரும் மோதல்கள்
  4. ஓய்வூதிய நிதியை பங்குச் சந்தையில் முதலீடு செய்ய இந்திய அரசு முடிவு
  5. கோரஸ் நிறுவனத்தை டாடா வாங்கியது
  6. சென்னை ஆட்டோ கட்டணம் இரு மடங்காக உயர்த்தப்பட்டது
  7. இந்தி திரைப்பட இசையமைப்பாளர் ஓ.பி. நய்யார் காலமானார்
  8. அபிஷேக் பச்சன்- ஐஸ்வர்யாராய் நிச்சயதார்த்தம்
  9. பாலாற்றின் குறுக்கே அணை கட்ட ஆந்திரா திட்டம்
  10. ம.பி. மாநில பள்ளிகளில் சூரிய நமஸ்காரம் அமல்
  11. ஆர்எஸ்எஸ் அமைப்பின் விராட் இந்து மாநாட்டையொட்டி பெங்களூர் வன்முறை – மரணங்கள்
  12. தஸ்லிமாவை நாட்டைவிட்டு வெளியேற்ற முஸ்லிம் சட்ட வாரியம் வலியுறுத்தல்
  13. உல்ஃபா தாக்குதல் எதிரொலி அச்சத்தில் அசாமிலிருந்து குடும்பம் குடும்பமாக வெளியேறுகின்றனர் பிகார் மாநில மக்கள்
  14. காளிமுத்து- தமிழ்குடிமகன் மகன்களுக்கு அ.தி.மு.க.வில் பதவி
  15. நொய்டா நிதாரி – சிறுமிகளை வன்புணர்ந்து கொலை

கொசுறு: சும்மா டைம் பாஸ் மச்சி…..: “ஹைல.. ஹைல… அடி ஆரியமாலா!”

————————————————————————————————————-

ஃபெப்ரவரி:

வலைப்பதிவுகளில்:

  1. கல்யாண் – சாகரன் – தேன்கூடு: அஞ்சலி
  2. கனிமொழியின் சென்னை சங்கமம்
  3. தேன்கூடு சுடர் – தொடர் பதிவுகள்
  4. தமிழ்மணம் பின்னூட்ட உயர் எல்லை – 30
  5. தக்காளி – வெங்காயம் – உருளை: சர்வேசனின் புகைப்பட போட்டி
  6. தமிழ் சினிமாவில் பெண்களின் இழிநிலை
  7. தமிழ் x மலையாளம் x சம்ஸ்கிருதம்
  8. விவேகானந்தா கல்லூரி பிரச்னை
  9. அர்ஜென்டீனா – க்வாட்டரோச்சி – போஃபர்ஸ் – சோனியா – காங்.
  10. மைக்ரோசாஃப்ட் விஸ்டா
  11. சூப்பர் பவ்ல் 41
  12. சிம்பு – நயந்தாரா
  13. மொழி – கார்ப்பரேட் (ஹிந்தி) – பொறி – பச்சைக்கிளி முத்துச்சரம் – விமர்சனம் – திரைப்படங்கள்
  14. ஈழத்து நவீன நாடக முன்னோடி ஏ.சி.தாசீசியஸுக்கு கனடா இயல் விருது
  15. அமெரிக்க தமிழ் சங்கங்கள்: தைப் பொங்கல் கொண்டாட்டம் & விழாக்கள்
  16. தினகரன் – நெ.1 தமிழ் நாளிதழ்
  17. தட்ஸ்தமிழ் யூனிகோடுக்கு மாறியது
  18. வலைப்பூ ➜ வலைச்சரம்
  19. கடல்கன்னி ஆரம்பம்
  20. மாற்று துவக்கம்

செய்திகளில்:

  1. ‘தமிழகத்துக்கு 192 டிஎம்சி காவிரி நீரை கர்நாடகம் தரவேண்டும்’- நடுவர் மன்றம் தீர்ப்பு
  2. மத்திய பொக்கீடு தாக்கல்
  3. ரயில்வே பட்ஜெட்
  4. மிகப்பெரிய பணக்கார இந்தியர் முகேஷ் அம்பானி
  5. விவசாயி தற்கொலைகள்
  6. நெல்லையில் தலித் பஞ்சாயத்து தலைவர் படுகொலை
  7. கோவை வேளாண் பல்கலை. மாணவிகள் எரிப்பு – மூன்று அதிமுக-வினருக்கு மரண தண்டனை
  8. பஞ்சாப், உத்தராஞ்சல் காங்கிரஸ் ஆட்சியை இழந்தது
  9. மணிப்பூரில் இந்திய கம்யூனிஸ்ட் கட்சியின் ஆதரவுடன் மீண்டும் காங்கிரஸ்
  10. மார்கதர்சி நிதி நிறுவன விவகாரம்: ஆந்திர அரசு x ஈநாடு பத்திரிகை – முதல்வர் ராஜசேகர ரெட்டி x ராமோஜி ராவ்
  11. முலாயம் சிங் யாதவ் ஆட்சி – உத்தர பிரதேசம்
  12. இந்தியாவில் காதலர் தினத்தில் களியாட்டத்தில் ஈடுபடும் இளைஞர்களுக்கு இந்து அமைப்புகள் மிரட்டல்
  13. பழங்குடியினர் பகுதியில் டாடா உருக்காலை: இந்திய கம்யூ. எதிர்ப்பு
  14. நேபாளத்தில் மோதல்கள் காரணமாக காணாமல் போனவர்களின் எண்ணிக்கை – 800
  15. இராக்கில் இருந்து டென்மார்க் படைகளை திரும்ப பெறுகிறது
  16. பாகிஸ்தானில் பெண் அமைச்சர் சுட்டுக்கொலை
  17. இத்தாலிய பிரதமர் ரொமானொ ப்ரோடி ராஜினாமா
  18. தமிழகம் – மீனவர் – படகு – விடுதலைப் புலிகள் – இலங்கை அரசு – காவல்துறை
  19. சென்னை மாநகராட்சி தேர்தல்: மா. சுப்பிரமணியன் மேயர் – வாக்குப்பதிவில் வன்முறை & கள்ள ஓட்டு
  20. சிவசேனை -பாஜக கூட்டணியிடம் மீண்டும் மும்பை மாநகராட்சி
  21. தேசிய விளையாட்டு போட்டி
  22. தாவூத் இப்ராகிம் கூட்டாளியிடம் சூதாட்டம்: சாமுவேல்ஸ் லஞ்சம் – இந்தியா-வெஸ்ட் இண்டீஸ் ஒரு நாள் கிரிக்கெட் போட்டி

————————————————————————————————————-

நேரம் + மூடு இருந்தால் தொடரும் 🙂 

மார்ச்:

வலைப்பதிவுகளில்:

  1. கிரிக்கெட் உலகக் கோப்பை
  2. இணைய குசும்பனின் கடைசி இடுகை
  3. சுப்புடு காலமானார்

செய்திகளில்:

————————————————————————————————————-

ஏப்ரல்:

வலைப்பதிவுகளில்:

செய்திகளில்:

————————————————————————————————————-

மே:

வலைப்பதிவுகளில்:

செய்திகளில்:

————————————————————————————————————-

ஜூன்:

வலைப்பதிவுகளில்:

செய்திகளில்:

————————————————————————————————————-

ஜூலை:

வலைப்பதிவுகளில்:

  1. ஹாரிப்பாட்டர்

செய்திகளில்:

————————————————————————————————————-

ஆகஸ்ட்:

வலைப்பதிவுகளில்:

செய்திகளில்:

————————————————————————————————————-

செப்:

வலைப்பதிவுகளில்:

செய்திகளில்:

————————————————————————————————————-

அக்.:

வலைப்பதிவுகளில்:

செய்திகளில்:

————————————————————————————————————-

நவ.:

வலைப்பதிவுகளில்:

செய்திகளில்:

————————————————————————————————————-

டிச.:

இனிமேல்தான்!?

————————————————————————————————————-

முந்தைய பதிவு: 2006 – E-Tamil Person of the Year « Snap Judgment

அலைவரிசை பயணங்கள்

கிட்டத்தட்ட ஓராண்டு முன்பு கில்லிக்காக எழுதியது.

நான் ஒரு பழைய கார் வைத்திருந்தேன்.

அமெரிக்கா வந்த புதிது. வங்கிக் கணக்கில் மாதத்துக்கு இரண்டு முறை சம்பளம் போடுவார்கள். பதினைந்தாம் தேதியும் ஒன்றாம் தேதியும் விடிந்தவுடன் கொண்டாட்டம். பத்தாம் தேதியிலிருந்தும் இருபத்தைந்தாம் தேதியிலிருந்தும் திண்டாட்டம். அந்த மாதிரி நிலையில்தான் நியு யார்க் மாநிலத்தின் அடர்ந்த காட்டுப் பகுதியில் மலையுச்சியில் கன்சல்டண்ட்டாக புகுந்த வீட்டுக்கு அனுப்பி வைத்தார்கள்.

இயற்கை கொஞ்சும் இடமாக இருந்ததாலும், இருட்டில் வளைவுகள் எதுவும் விளங்காததாலும், பாடிகாட்டாக பாடல் அலறும். என்னிடம் இருந்த கைக்காசுக்கு, காஸெட் பாடும் கார் கிடைக்கவில்லை. ஏதோ ஒரு கலர் – ஆக்ஸிலேட்டர் அமுத்தினால் ஓட வேண்டும். ப்ரேக் போட்டால் பிடிக்க வேண்டும். எனக்கு பிடித்திருப்பது முக்கியமல்ல.

நண்பர்களைப் பார்க்க ஐநூறு மைல் ஹைவே ஓட்டினாலும் பண்பலையில் பாடல் ஒலிக்கும். பின்னிரவில் வேலை முடித்து பசி கிறக்கத்தில் கீழிறங்கினாலும் அமெரிக்க கீதம் கூவும்.

கோபமாக இருந்தால் ஹெவி மெட்டல். கோயிலுக்குப் போனால் மேஸ்ட்ரோ. காலையில் பாப். மாலையில் ஜாஸ் என்று வழக்கப் படுத்திக் கொண்டேன் எல்லா எஃப்.எம்.களையும்.

பாத்ரூமில் ப்ரிட்னி ஸ்பியர்ஸ் புருஷன் பாடினதில் ஆரம்பித்து ஆப்பிரிக்காவில் இருந்து நாடோடியாகப் பஞ்சம் பிழைக்க வந்த க்ரூப் வரை கிட்டத்தட்ட அனைத்து பாடல்களும் கேட்கக் கிடைத்தது. நிக்கோல் ரிச்சி ஜட்டி போடுவதில்லை என்று மட்டும் அறிந்திருந்த அறியாப் பிள்ளைக்கு, அவரின் அப்பன் அமோகமாக கலக்குவார் என்று அகர முதல் எழுத்தெல்லாம் அறியக் கிடைத்தது. ‘அகிலா அகிலா’ என்று தேவா போட்டது ‘பஃப்லோ சோல்ஜர்’ என்பார்கள். அந்த மாதிரி ஸ்ரீதேவி பாட்டு இங்கே இருக்கு என்று அளக்க, அளப்பரிய வாய்ப்புக் கிடைத்தது.

அப்பொழுது ஒரு நத்தார் தினம் வந்தது. அன்றைய விடுமுறையை கும்மாளமிட தேசி மக்கள் வந்து க்ரீன் கார்ட் பெறுவது, கம்பெனி மாறுவது, காண்ட்ராக்டை உடைப்பது, லைசென்ஸ் வாங்குவது, நைட்க்ளப் செல்வது, சனியிரவு பெண் பிடிப்பது என்று வாழ்க்கைத் தேடல்களை பேசிக் களைத்தவுடன், என்னுடைய பாடல் தொகுப்பை ஒலிக்க விட்டேன்.

நோ டவுட், சன்ஷைன், கார்டிகன்ஸ், செலீன் டியான், பார்பீ என்று கவர்ச்சியான மெட்டு இருக்கும். சில சமயம் பாடல் கூட புரியும்.

பாடல்கள் எப்படி என்னைக் கவர்ந்தது?

திரும்பத் திரும்பப் பல முறை கேட்டாலும், அலுக்காத ட்யூன். அதுதான் என்னை உள்ளே இழுக்கிறது. பன்னிரெண்டு டாலர் காசு கொடுத்து சிடி வாங்க வைப்பது. அதற்குப் பிறகு கொஞ்சம் கவர்ச்சியான வார்த்தைக் கோர்ப்பு. வரிகளில் வைரம் மின்னுவது எல்லாம் முக்கால்வாசி நேரம் விளங்குவதில்லை.

கிட்டத்தட்ட இதே மாதிரிதான் இணையப் பழக்கமும் ஏற்பட்டிருக்கிறது.

வேலையில் போரடித்தால் தமிழ்மணம். இரண்டு மணி நேர கம்பைல் ஆரம்பித்தால் ப்ளாக்லைன்ஸ். ஸ்ட்ரெஸ் டெஸ்டிங் என்றால் தேன்கூடு. இரவு நேர சப்போர்ட் மாரடித்தல் என்றால் கிஞ்சா.

பாஞ்சாலிக்குக் கண்ணன் சேலை கொடுத்த மாதிரி வண்ணவண்ணமாய் முடியவே முடியாத வலைப்பதிவுகள். துச்சாதனனாய் துகிலுரிக்கப் பார்த்தேன். வேர்த்து, விறுவிறுத்து, துரியோதனன் ஐகாரஸ் கட்டளைக்குட்பட்டு, அடிமுடி அறியவொண்ணா முழுமைக்கு முயற்சித்தேன்.

ஸ்பானிஷ் பாடல்கள் என்றொரு உலகம். கஜல் இன்னொரு கடல். வளைகுடா சங்கீதம் சொக்கியிழுத்துக் கட்டிப்போட்டு விடும் அண்டம். அமெரிக்கா சங்கீதத்தின் பல பாடல்களை கேட்டு, அவ்வளவுதான் என்று மருகி சொக்கித் திளைத்து, அதில் இவை சிறந்தது என்று அன்று நினைத்திருந்தேன். அதே போல், அனைத்துப் பதிவுகளையும் படித்து அவற்றில் இவை சிறந்தது என்று கில்லியில் இட்டுக் கொண்டிருக்கிறேன். இரண்டுமே எனக்கு நிறைவையும் மனமகிழ்வையும் தந்தாலும் முழுமையானது அல்ல.

எட்டிய மட்டும் நீந்தி, கிடைத்த காட்சிகளைப் படம்பிடித்து, தண்ணீர்க் கோலங்கள் இம்புட்டுதான் என்பது போலவே இருக்கிறது.

இந்த நிலையில் இந்த வருடத்தின் கவர்ந்த பதிவுகளுக்கொரு பதிவு.

சமீபத்தில் பெண்டாமீடியா எடுத்த பாண்டவாஸ் அனிமேசன் படம் பார்த்தேன். மிக மோசமான படம். துள்ளித் துள்ளி நீ ஓடம்மா என்று திரைக்கதை பாய்ந்தோடியது. குழந்தைகளைக் கவரும் ஸ்பெசல் எஃபக்ட்ஸ் பெரிதாக, காட்சிக்கு காட்சி வராமல், அவர்களின் கவனத்தை நோகடித்தது. துரி, தேவ் என்று செல்லமாக அழைத்தார்கள்.

ஆனால், குறிப்பிட்ட நேரத்துக்குள் இரண்டு வருடமாய் டிவியில் வந்த சோப்ரா பாரதத்தை, இரண்டு மணியில் மஹாபாரதமாக்கி இருந்தார்கள். அதற்காகவே பாராட்டலாம். அதற்கு மட்டுமே பாராட்டலாம்.

அந்தப் படம் மாதிரி கடந்த வருடத்தின் அலைவரிசைப் பயணங்கள்:

ஜனவரி மாதம் புத்தகக் கண்காட்சி மாதம். சுரேஷ் கண்ணன் இலக்கியவாதி (பிச்சைப்பாத்திரம்: பாலாவும் என்னுடைய சுயசரிதத்தின் ஒரு பகுதியும்). பத்ரியோ பதிப்பாளி (பத்ரியின் வலைப்பதிவுகள் – நான் வாங்கிய புத்தகங்கள்).

நாராயண் மருதநாயகம் பற்றி கமலுக்கு ஒரு கடிதம் எழுதினார். கடிதங்களும் இலக்கியம்தானே என்கிறார் செல்வராஜ் (என் எண்ணக் கிறுக்கல்கள் – செல்வராஜ் » Blog Archive » பழைய கடிதம் ஒன்று). ‘அழகி’ படத்தின் மூலம் வாழ்க்கை இலக்கணத்தைப் பார்க்கிறார் தமிழ்தேனீ (வண்ணக்குழப்பம்: மனிதர் நோக மனிதர் பார்க்கும் வாழ்க்கை).

சுந்தரமூர்த்தி Looking for Comedy in the Muslim World என்று அமெரிக்காவில் இருந்து இந்தியாவுக்கு தூரப் பார்வை பார்த்தார். நிலவு நண்பன் நீங்கள் இன்னும் பார்க்காத ‘யதார்த்தம்’ திரைப்படத்திற்கு விமர்சனம் எழுதுகிறார். அதிகம் அறியாத படங்களைப் பகிரும் சன்னாசி Palindromesஐ திருப்பிப் போடுகிறார். இயக்குநர் அருண் வைத்யநாதன் திரைப்படமே எடுத்து வெளியிடுகிறார் (Agara thoorigai » Blog Archive » ‘தனியொரு மனிதனுக்கு’ குறும்படம்)

நபகோவின் லோலிடாவை செல்வன் வாசக அனுபவமாக்குகிறார். ஈழ நூல்களை இணையத்தில் காண நூலகம் துவங்குகிறது. (“ம்…” – விட்டு விடுதலையாகிநிற்போம்…!). அருந்ததி ராயின் கட்டுரைத் தொகுப்பை ஜெயந்தி சங்கர் விமர்சிக்கிறார். (வல்லமை தாராயோ: the algebra of infinite justice (நூல் அறிமுகம்))

டிவியில் தங்கவேட்டையை பின்னூட்ட வேட்டையாளர் இலவச கொத்தனார் கவனிக்கிறார் (இலவசம்: தகதகதகதக தங்கவேட்டை). ரங்கா அண்டங்காக்கைகளையும் பனிக்கரடிகளையும் பார்க்கிறார். (இதர எண்ணங்கள்: கறுப்பும் – வெளுப்பும்)

இண்டிப்ளாகீஸ் தேர்தல் குறித்து தருமி அலசினார் (தருமி » 123. Election Analysis…). லண்டன் பயணங்களில் நம்மையும் டிக்கெட் செலவு வைக்காமல் கூட்டிப் போகிறார் இரா முருகன் (vembanattu-k-kaayal: எடின்பரோ குறிப்புகள் – 5).

இன்னும் குட்டி ரேவதி எஸ்.ராமகிருஷ்ணன், வைகோ அணி மாறல், திருமா பாமக விடுதல், துபாயின் ஆட்சியாளர் ஷேக் மக்தூம் பின் ராஷித் பின் மக்தூம் மரணம், ரங் தே பஸந்தி, கோல்டன் க்ளோப் என்று செய்திக் குறிப்புகள் திரும்பிய சுட்டியெல்லாம் படிக்கக் கிடைத்தாலும் நேர்மையான சொந்தக் கதையை எளிமையாக எழுதியிருக்கும் அருள்குமார் பதிவு நெஞ்சில் நிற்கிறது (நான் பேச நினைப்பதெல்லாம்: “தீம்தரிகிட” – வாக்குப்பதிவு)

நான்தான் ஆரம்பத்திலேயே சொல்லியிருந்தேனே! நான் அகலக்கால் வர்க்கம். ‘ஒரு தடவ சொன்னா நூறு தடவ சொன்ன மாதிரி’ என்று சுருக்காமல், நூறாயிரம் விதமாக விவரிப்பதை ரசிப்பவன். ரசிப்பவர்களில் திளைப்பவன். எத்தனை சம்பளம் வந்தாலும் அதிகம் இரண்டணா செலவு வைக்கும் பாலையாவின் கோபத்திற்கு ஆளாகுபவன்.

மற்ற மாதங்களுக்கும் மிச்ச சுட்டிகளுக்கும் ப்ரேமலதாவின் (Kombai) பரிந்துரைக்கேற்ப ஓல்ட் இஸ் கோல்ட் (கில்லி – Gilli » OIG)-இல் சந்திக்கிறேன்.

இனிய சுட்டிகளும் அமைதியானப் பூக்களும் நிறைந்த வலைப்பூ ஆண்டாக 2007 அமைந்திருக்க எல்லாம் வல்ல இறைவனைப் பிரார்த்திக்கின்றேன்.

Blogger repeats itself.

மாற்று – ஆலோசனை (aka) விழைப்பட்டியல் (aka) அடுத்த கட்டம்

தமிழில் எழுதும் பதிவுகளில் சுவையானதை மாற்று தவறாமல் சேமித்து வருகிறது. பல விஷயங்கள் சிறப்பாக செயல்பட்டு வருகிறது. அதை இப்போது பட்டியல் போடும் எண்ணம் இல்லை.

மாற்று அல்லது மாற்று போன்ற புதிய தளங்கள் எதை நிறைவேற்றலாம்?

1. மாற்று! குறித்து, கொள்கைகள் போன்றவை ‘வலைப்பக்கம் காணக்கிடைக்கவில்லை‘ என்று பிழை காட்டுகிறது. வலையகத்திற்கு முதன்முறையாக வருபவர்கள் ‘about us’ படிக்க விரும்புவார்கள்.

2. பங்களிப்பாளர்களின் இடுகைகளைக் குறிப்பிடாமல் தவிர்க்கிறார்கள். ‘பரஸ்பர முதுகு சொறிதலை இந்த கொள்கை தவிர்க்கிறது‘ என்பதற்காக இருக்கலாம். இருந்தாலும், ஏதோ இடறுகிறது. பதிவை எழுதியவரே, சுட்டிக் கிடங்கில் சேர்த்தால் கூட பொருத்தமானதாக இருந்தால்தான் சேர்ப்பார் என்னும் நம்பிக்கை வேண்டும்.

3. சுட்டியின் மேல் எலியைக் கொஞ்ச நேரம் உட்காரவிட்டால், எந்த ‘வகை’யில் சேர்த்திருக்கிறார்கள் (டூல்டிப்ஸ்) என்பதை அறிய முடிகிறது. அதனுடன் பதிவின் முதல் வரிகளையும் கூட சேர்த்து காண்பித்தால், முன்னோட்டமாக இருக்கும். இதன் மேர்சென்று விருப்பங்களைத் தேர்வு செய்து பயனர் கணக்கு (preferences, personalization & customization) கொணரலாம்.

4. ‘சூடான இடுகைகள்‘ போல் எத்தனை பேர் மேற்சென்று க்ளிக் செய்து, படித்தார்கள் என்பதை அறியத் தரலாம். ‘நட்சத்திர தாரகைகள்’ என்பது பகிர்பவரின் விருப்பம் என்றால், மெய்யாலுமே வாசகரின் மவுஸ் எங்கே செல்கிறது என்பதை அறிய முடியும்.

5. புகைப்படங்கள்: பதிவுகளில் வந்த நிழற்படங்களின் சுருக் வடிவத்தைக் கொடுத்து தூண்டில் இட வேண்டும்.

6. கடந்த முறை நான் வந்தபோது கடைசியாக வந்திருந்த பதிவு எது? நினைவில் வைத்திருந்து வேறுபடுத்தி காட்டினால் பயனாக இருக்கும்.

7. திண்ணை, நிலாச்சாரல், தென்றல், ஆறாம்திணை, தமிழோவியம், பதிவுகள், பூங்கா எக்ஸ்க்ளூசிவ்கள், கீற்று, அப்புசாமி ஆகிய இதழ்களையும் ஆட்டத்தில் சேர்த்துக் கொள்ளலாம். (ஏற்கனவே வரலாறு.காம் போன்றவை அவ்வப்போது வந்து கொண்டிருக்கிறது.)

8. வகைவாரியாக பார்க்க முடிவது போல், தேதிவாரியாக புரட்ட வசதி செய்து தரலாம். அன்றாட வாரத்தின் தாரகைகளுக்கு முகப்பு பக்கத்தில் இடம் கொடுக்கலாம். மாதம்/வாரம்/நாள்வாரியாக #4 கணக்கை காட்டி, வாசகரின் தானியங்கித் தேர்வுகளை காட்டலாம்.

9. தேடலை விரிவாக்குதல்: பதிவர் பெயர் தவிர, தலைப்பு, குறிச்சொற்கள் ஊடாக தேடுவது, உரலைப் பொறுத்து தேடுவது என்று ஆடம்பர (அட்வான்ஸ்ட்) வசதிகள் செய்து தரலாம்.

10. விளம்பரங்கள்: எம்.எஸ்.என். தமிழ், யாஹூ தமிழ், தினமலர் போன்ற தளங்களில் விளம்பரம் தந்து மாற்று.காம் முகவரியை பிரபலப்படுத்தலாம்.

கடைசியாக, கடந்த சந்திப்பில் மாற்று குறித்த விமர்சனமாக நண்பர்கள் சொன்னது:

அதிகம் அறியப்பட்ட, குறிப்பிட்ட சில பதிவர்கள்தான் திரும்பத் திரும்ப தேர்ந்தெடுக்கப்பட்டு பகிரப்படுகிறார்கள். இதுதான் வரும் என்பது போல் கணிக்கமுடிந்ததையே வெளியிடுகிறார்கள்.

இதற்கு பதிலாக இரண்டு வழிகளை சொன்னேன்:

(i) தற்போது உள்ளது போலவே தொடர்வது: ஆனால், தமிழ்மணம்/தேன்கூடு/வோர்ட்பிரெஸ் மூலமாக புதிதாக எழுத ஆரம்பித்த பதிவர்களை இன்னும் நிறைய கோர்க்கலாம்.

(ii) சற்றுமுன்னின் ‘அறிவியல் இன்று’, மா சிவக்குமார், மதி, பத்ரி போன்ற எப்போதும் வருபவர்களை பாப் யூரெல்ஸ்ஸில் வருவது போல (quickies என்னும் தலைப்பில்) இணைப்பது. தவறவிடக்கூடாதவர்களுக்கு இந்த செமி-நிரந்தர இடம். ஓடையைப் பொறுத்து தீர்மானிக்கும்படி செய்யலாம்.் க்வாலிடி குறைந்தால், மற்றவர்கள் போல் ஆக்கிவிடலாம்.

தொடர்புள்ள ஆங்கில வலையகங்கள், திரட்டிகள், சேமிப்புக் கிடங்குகள், பரிந்துரை பக்கங்கள், வலைப்பதிவுக் களங்கள்: