Category Archives: Anniversary

நான்காம் ஆண்டு விழா

1. சோடா பாட்டிலை பார்த்தவுடன் எனக்கும் நான்காண்டு முடிந்தது ஞாபகத்துக்கு வந்தது.

2. வேலை தேடும் நல்ல நாளில் செப்டம்பர் 14 ஆங்கிலப் பதிவு தொடங்கப்பட்டது. அதற்கு கொஞ்ச நாள் முன்னாள் தமிழ் டிஸ்கியில் இரண்டு (ஜூலை 22 & 28)ஆரம்பித்து வைத்திருந்தேன்.

3. ஈ-தமிழ், ஸ்னாப் ஜட்ஜ், கில்லி, சற்றுமுன் – வருடத்துக்கு ஒரு விருப்பம்.

4. ராகாகி, மரத்தடியில் கிடைத்த மதிக்கத்தக்க நட்புகள் ஏராளம். பதிவுலகில், விரும்பிப் பாராட்டும் நட்புகளின் சொந்தம் இணையக் குழுக்களோடு ஒப்பிட்டால் செம குறைச்சல்.

இந்த வருடத்துக்கான நமைச்சல்:

மாட்ட வேண்டியவர்கள் எல்லாம் குழாம் காலத்திலேயே அகப்பட்டதாலா அல்லது ஒழுங்காகத் தேடிப் பிடிக்கவில்லையா அல்லது பாதி பரிச்சயம் ஆனவர்களை அம்போவென்று விட்டு, ஆற்றில் ஒரு கால் சேற்றில் திளைத்தல் இன்னொரு கால் என்று ஆனதாலா?

Advertisements

Poongaa – One Year Anniversary

முதலில் குமுதம் நிரஞ்சன் வகை பயோடேட்டா:

பெயர்: பூங்கா

வயது: செப்டம்பர் வந்தால் ஒராண்டு

நண்பர்கள்: எல்லா திசைகளிலும் இல்லை

திடீர் எதிரிகள்: நாலு கிலோபைட்டுக்கு மேல் எழுதியும் பூங்காவில் இடம்பெறாதவர்கள்

நீண்டகால எதிரிகள்: பாரதீயவாசிகள்

தொழில்: எல்லாரையும் எல்லாவற்றையும் படிக்கவைப்பது

பழைய பொழுதுபோக்கு: விவாதாங்களை நீட்டித்தது

புதிய பொழுதுபோக்கு: தொகுப்பாளரின் மேசையிலிருந்து மூச்சு வாங்க வைப்பது

பிடித்த வேலைபழைய கதைகளை கிளறுவது

பிடித்த இடம்: தமிழ் பாரதி அல்ல

மறந்தது: பூந்தோட்டம்

மறக்காதது: ‘இணையத்தமிழின் முதல் வலைப்பதிவிதழ்’ என்று பிரஸ்தாபிப்பது

விரும்புவது: வாழ்த்துச் செய்திகளைப் படிப்பது

கிடைப்பது: பயனர்களின் தொழில்நுட்ப பரிந்துரை

எரிச்சல்: நேரந்தவறிய ‘தமிழ்மணம் வாசிப்பில்‘ பத்திகள்

சமீபத்திய சாதனை: தொடர்ச்சியாக முப்பது+ இதழ்கள் கொண்டு வருவது

நீண்டகால சாதனை: தமிழில் வலைப்பதிவுகள் என்றால் தமிழ்மணம் என்றாக்கியது


இப்பொழுது திருவிளையாடலுக்கு மாறுவோம்:பிரிக்க முடியாதது என்னவோ? பூங்காவும் புரியாமையும்

பிரியக் கூடியது? பூங்காவும் பெண்ணியமும்

சேர்ந்தே இருப்பது? பூங்காவும் புரட்சியும்

சேராதிருப்பது? பூங்காவும் பட்டிமன்றமும்

கேட்கக் கூடாதது? இடுகைகள் ஏன் இடம்பெறவில்லை

கேட்கக் கூடியது? இடுகைகளை இடம்பெற்றதற்கு நன்றிகள்.

சொல்லக்கூடாதது? பூங்காவில் கருத்து சுதந்திரம்

சொல்லக்கூடியது? ஊடகங்களில் கருத்து சுதந்திரம்

பார்க்கக்கூடாதது? பிடித்தவர்களின் மறுபக்கம்

பார்த்து ரசிப்பது? புனிதப்பசுக்களின் மறுபக்கம்

இதழுக்கு வேண்டியது? இடுகைகளின் சம்மதம்

வாழ்த்துகள்!