அமெரிக்கத் தேர்தல் தகிடுதத்தங்கள்: III


அமெரிக்கத் தேர்தல்  தகிடுதத்தங்கள்: I
அமெரிக்கத் தேர்தல் தகிடுதத்தங்கள்: II

5.பொய் சொல்லப் போறோம்
மேலே பட்டியலிடப்பட்டிருக்கும் குறைகளுக்கும் மேலாக அரசியல் கட்சிகளின் ஆதரவாளர்களும் சில அரசு அதிகாரிகளுமே மக்களை குழப்பிவிடும் விஷமத்தனத்தைச் செய்யும் வழக்கமும் கிட்டத்தட்ட அண்மைய தேர்தல்கள் அனைத்திலும் தலைதூக்குகின்றன. 2008 தேர்தலில் ஏற்கனவே கறுப்பின நிறுபான்மையினர் வாழும் பல பகுதிகளில் வாக்களிக்கச் செல்பவர்கள் Parking Violations உட்பட்ட சிறு சட்ட மீறல்கள் செய்தவர்களாயின் கைது செய்யப்படுவார்கள் என துண்டு பிரசுரங்கள் வெளியிடப்பட்டுள்ளன. சில இடங்களில் துண்டு பிரசுரங்களில் வாக்காளர் எண்ணிக்கை அதிகமாயிருப்பதனால் இந்த வருடம் ரிப்பப்ளிக்கன் கட்சிக்காரர்களுக்கு செவ்வாய் கிழமையும் டெமக்ராட்டிக் கட்சிக்காரர்களுக்கு புதன்கிழமையும் தேர்தல்கள் நடக்க இருப்பதாக தவறான தகவல்கள் பரப்பப்படுகின்றன.

சில மாவட்டங்களில் அரசு அதிகாரிகளே மக்களை குழப்பும் அறிவிப்புகளை வெளியிட்டுள்ளார். காலராடோவில் வெளி மாநில மாணவர்கள் வாக்காளர்களாக பதிவு செய்யக் கூடாது என அதிகாரி ஒருவர் தவறாக அறிக்கை ஒன்றை கல்லூரிகளுக்கு அனுப்பி வைத்துள்ளார்.

மின்னஞ்சல்கள் மூலமும் இத்தகைய தவறான செய்திகள் வாக்குப் பதிவை குறைக்கும் வகையில் பரப்பப்படுகின்றன. இவை குறிப்பாக ஊடகங்களை கவனிக்காத அடித்தட்டு மக்களை குறிவைத்து நடத்தப்படும் பிரச்சாரங்களாகும்.

முறையற்ற வாக்காளர் பதிவு டெமெக்ராட்டிக் கட்சிக்கு எதிரான வாதமாகவும், வாக்காளர்களை பயமுறுத்தி அல்லது திசை திருப்பி வாக்களிக்க விடாமல் செய்வதை ரிப்பப்ளிக்கன் கட்சிக்கு எதிரான வாதமாகவும் எப்போதும் வைக்கப்படுகிறது.

அஞ்சல் வழியே வாக்குகளை அனுப்பும் முறயிலும் பல முறைகேடுகள் நடந்துள்ளன. 2000ம் ஆண்டு தேர்தலில் ஒகையோ மகாணம் எல்லா வாக்குகளையும் அஞ்சல் வழியே பெற்றது இது பெரும்பான்மை வாக்குகள் வருவதை ஊக்குவித்தது(80%). இருப்பினும் பலரும் தங்கள் வாக்குச் சீட்டை வீட்டில் இருந்த வேறொருவர் பூர்த்தி செய்து கையெழுத்திட்டு அனுப்பிவிட்டதாக தெரிவித்துள்ளனர். இந்த முறையில் வீட்டில் பலமுள்ளவர்கள் பிறரை தங்கள் விருப்பத்திற்கேர்ப்ப வாக்களிக்கச் செய்யும் வாய்ப்பும் உள்ளது.

டெக்சாசில் அஞ்சல் வழி வாக்குகளைப் பெற சிலர் விபச்சாரத்தில் ஈடுபட்டுள்ளனர் எனவும் சிலர் காசு கொடுத்து வாக்குகளை வாங்குகின்றனர் எனவும் குற்றச்சாட்டுக்கள் எழுந்துள்ளன. பல கல்லூரி மாணவர்களும் தாங்கள் அஞ்சல்வழி ஒரு மாநிலத்திலும், நேரடியாக இன்னொன்றிலும் இருமுறை வாக்களித்ததாகக் கூறியுள்ளனர்.

ஜனநாயகம் ஒரு சமரச அமைப்பு என்பதை தேர்தல் முறைகேடுகளும், குழப்படிக்கும் சட்டங்களும் மேலும் வலியுறுத்துகின்றன. அமெரிக்க தேர்தல் முறையில் இன்னும் பல மாற்றங்களும் செய்யப்படவேண்டும் என்பதும் இது காலத்திற்கேற்ப செப்பனிடப்பட வேண்டிய அமைப்பு என்பதும் இங்குள்ள பல அரசியல் பண்டிதர்களின் கருத்துமாகும்.

பல மகாணங்களிலும் இழுபறி நிலையில் கணிப்புகள் இருக்கும் 2008 தேர்தலில் முன்பில்லாத வகையில் கோடிக்கணக்கில் புதிய வாக்காளர்கள் பதிவு செய்திருக்கும் நிலையில் குழப்பம் மிகுந்த அமெரிக்க தேர்தல் முறை நிறைவான முடிவைத் தருமா இல்லை சந்தேகங்களுடன் நிறைவு பெறுமா என்பதற்கு நாளை விடை கிடைக்கலாம்.
===
நன்றி: டைம், விக்கிபீடியா, http://findarticles.com/

2 responses to “அமெரிக்கத் தேர்தல் தகிடுதத்தங்கள்: III

  1. தொடர்பாக வாசித்தவை:
    Democracy Now! | On Eve of Election Day, Is the Nation's Voting System Ready? Reports of Irregularities Pour in from Across US in Record Early Voting: “Already, reports of voting irregularities, long lines, malfunctioning machines and badly managed polling stations are pouring in from across the country.”

    Mounting Evidence of Voter Suppression for Election Day 2008: As election day nears, new stories of voter suppression and improper voter purges continue to come to light. The polls that pundits tend to focus on are being called into question, as huge numbers of voters will likely be unable to vote on November 4.

    முன்னர் மறுமொழிந்தது (வசதிக்காக இங்கும் சேமிக்கிறேன்)

    அமெரிக்காவில் தேர்தல் தில்லுமுல்லு :

    1. விடுமுறை: வேலைக்கு செல்பவர்கள் வாக்களிக்க இயலாதவாறு நேரம் ஒதுக்காமை.

    2. நீண்ட வரிசை: வேலைக்கு நடுவில் சென்று வாக்களிக்க முயன்றாலும், அதை பலவீனப்படுத்துமாறு நீண்ட வரிசை அமைந்து விடுமாறு மிக மெதுவான செயல்முறை. (அமெரிக்காவில் வேறு எங்கும் நீண்ட க்யூ இல்லாதது இங்கு கவனிக்கத்தக்கது)

    3. மிரட்டல்: சரியான விசா இல்லாத அக்காவோ, ஒன்று விட்ட தம்பியோ நாடுகடத்தப் படுவார்கள் என்னும் மிரட்டல் ஒலி தொனிக்கும் சரிபார்த்தல் (உங்க வாக்கு அளிக்க உங்க ஐடென்ட்டி மட்டும் சரி பார்த்தால் போதுமே?)

    4. விருப்பமான முறையில் தொகுதி மறுசீரமைப்பு: வெள்ளை வாக்குகளை (அ) கறுப்பின மக்களின் பெரும்பான்மை வருமாறு அஷ்ட கோணலுடன் கூடிய தொகுதி வடிவங்களை உருவாக்கிக் கொள்வது.

    5. Diebold: வாக்குப்பதிவு முடிந்தவுடன், ஒரு வாக்கு கூட விழவில்லை என்று சொல்லும் கணினி; குடியரசுக்கு குத்தினால் ஜனநாயகமாக மாற்றிப் போட்டுக் கொள்ளும் தொடு எந்திரம்.

    6. கடவுச்சீட்டு: ருசியாவைத் தொட்டுவிடும் தூரத்தில் உள்ள துணை ஜனாதிபதி வேட்பாளர் சாரா பேலின் கூட வெகு சமீபத்தில்தான் கடவுச்சீட்டு எடுக்கிறார். அரிசோனா போன்ற பல மாகாணங்களில் பாஸ்போர்ட் இல்லாவிட்டால் வாக்கு போட முடியாது.

    இது போல் தொல்லைப்படுத்தும் ஐடென்ட்டி தேவைகள் குறித்த பதிவு: அமெரிக்காவில் தேர்தல் தில்லுமுல்லு – மெகயினை வெல்லவைக்கும் சூட்சுமம் – வாக்காளர் அடையாள அட்டை

    7. குற்றஞ்சாட்டப்பட்டவர்/குற்றவாளி: எஃப்.ஐ.ஆர் போட்டால் இந்தியாவில் பிரச்சினை என்பது போல், ஏதாவது கிரிமினல் வழக்கில் உள்ளே தள்ளப்பட்டிருந்தால் ஜனநாயக உரிமை மறுப்பு. இதில் பெயர் குழப்பங்கள், குளறுபடிகள், தொடர் விசாரிப்புகள், முத்திரை குத்துதல் என்று தொடரும் தகிடுதத்தங்கள்.

    8. கல்லூரி மாணவர்: ‘உங்க குழந்தையை நீங்க வருமான வரியில் சேர்த்துக் கொள்ள முடியாது’ என்று பொய்யாக அச்சுறுத்துவதில் ஆரம்பித்து, நியூ யார்க்கில் படிக்கும் மாணவர், சொந்த ஊரான அரிசோனாவில்தான் வாக்களிக்கலாம் என்று நிராகரிப்பது வரை பொய்யான பயமுறுத்தல் கலந்த வதந்திகள்.

    9. உச்சநீதிமன்றம்: இதெல்லாம் போதாவிட்டால், இருக்கவே இருக்கிறது உச்சநீதிமன்றம். மக்கள் என்ன நினைத்தால் என்ன? நாங்கள் நினைப்பவர்தான் அதிபர் என்பார்கள். இரண்டாண்டு கழித்து உண்மையான வெற்றியாளரைத் தெரிந்து கொள்ளலாம். நம்ம ஊர் பொம்மை கேஸ் மாதிரிதான் இதுவும்?!

    ஹாய்யாக காரில் வாக்குசாவடிக்கு போனோமா! கட்சி கொடுத்த சீட்டை வைத்து அடையாள மை வாங்கிக் கொண்டோமா; பிரியாணி சாப்பிட்டோமா என்பது எங்கே?

    இங்கே மாதிரி வேலையை விட்டு விரட்டிருவாங்களோ? யாருக்கு வாக்களிச்சோம்னு தெரியலியே? அதையும் கண்டுபிடிச்சுருவாங்களோ? எதற்காக என்னோட கார் லைசென்ஸை குறிச்சுண்டிருக்காங்க என்று பயந்து பயந்து சாவதற்கு ஈடாகுமா🙂

  2. Pingback: அமெரிக்கத் தேர்தல் தகிடுதத்தங்கள் - II « US President 08

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s