Daily Archives: மே 2, 2007

The Language of Puke

மொழி – வாந்தி‘ என்பதன் தூய ஆங்கிலமாக்கத்தை தலைப்பில் காணலாம்.

மொழி திரைப்படத்தில் குடிபோதை மீறிய பிரகாஷ்ராஜ் இன்னொருவரின் வீட்டு வாயிலில் வாந்தியெடுக்கத் தொடங்கி விடுவார். அவரை வீட்டுக்குள் இட்டு, கதவை சாத்தி, பாத்ரூமை பயன்படுத்துமாறு சொன்னபிறகும், மிகத் தெளிவாக மீண்டும் அதே வீட்டு வாயிலுக்கு பிழறாமல் வந்து மீத வாந்தியையும் முடித்து விட்டு உறங்க சென்றுவிடுவார்.

யதார்த்தமான பல காட்சிகள் நிறைந்த படம் என்பதற்கு வசனம் மட்டுமே கொண்ட முதல் காட்சியே ஒரு சோறு பதம். ஆனால், குடிகாரனின் குணாதிசயத்தை சொல்லும் இந்தக் காட்சி இயல்பாக நிகழ்வது.

கல்லூரி முதலாமாண்டு. ‘இந்தியன் ஓசியன்‘ கச்சேரிக்கு புதிய வலைப்பதிவர் ஆசை ஆசையாய் தமிழ் திரட்டியில் சேர்ந்துகொள்வது போல், கிறக்கத்துடன் சீக்கிரமே போய் சீட் பிடித்து உட்கார்கிறோம். பெருங்கூட்டத்தில் ஒருத்தி பாப்கார்ன் பிரியப்பட, வாங்க வெளியே வந்தபோதுதான் பிரகாஷ்ராஜ் ஸ்டைல் அபிஷேகம், மட்டுறுத்தப்படாத பின்னூட்டமாக கிடைத்தது.

‘எப்படி இப்படி தன்னையறியாமல் மூழ்கி நாசமாகிறார்கள்’ என்னும் சினம் கலந்த அறியாமை சீனியரிடம் பயமாக வெளிப்படும்.

கல்லூரி இரண்டாமாண்டு. திட்டமிட்டு நிகழவில்லை. ஆனால், எவர் மீதோ நானே நிறைவேற்றுகிறேன். வினை விதைத்தவன் வாந்தி கொடுப்பான்.

இருபத்தைந்து ரூபாய்க்குள் நிறைவான கிக் வேண்டிய தருணம். 47 ரூபாய்க்கு விஸ்கி வாங்கி இருவர் பகிர்வதாக திட்டம். ‘First come first served’ என்னும் கொள்கையில் இயங்கியதால் கடகடவென்று குடிப்பது சாலச் சிறந்தது. பெப்சியோ, தண்ணீரோ சேர்ப்பதால் அளவும் பெருகும். கிளாஸை அருந்தி முடித்து, அடுத்த பெக் அடிப்பதற்கான நேரமும் செலவாகும். பனிக்கட்டி மட்டும் இட்டு ஈரல் எரிவதை உணர்ந்து சிலாகிப்பது பொருத்தம்.

Oasis‘ கலைவிழாவின் இறுதி நாளில் dutch courage உடன் ‘டேய்… உனக்கு சொல்ல தைரியமில்லேன்னா போடா! உனக்காக நான் போறேன்!’ என்று வீராப்புடன் நண்பனின் தோழிகளிடம் சென்று காதலை வெளிப்படுத்துகிறேன் என்று நட்பை முறித்து சந்தோஷிக்க வைக்கும். குடிகாரன் பேச்சு விடிந்தால் போச்சு. காலையில் ‘அப்படியா? நானா… இருக்காது… நம்பமுடியவில்லை!’ என்று சத்தியம் செய்யலாம்.

கல்லூரி முடிந்தவுடன் பொறுப்பு பெறவேண்டும். ‘எவ்வளவு ஏறினாலும் ஸ்டெடியாக இருப்பேன்’ என்று வாக்களித்து, நண்பன் வீட்டில் ஆற அமர திளைத்து, தூக்கத்தில் எழுந்து, மிகச்சரியாக லெட்ரீனுக்கு சென்று குறி பார்த்து வாய் வெளிப்பாடு நிறைவேறுகிறது.

காலை எழுந்தவுடன்தான் சொல்கிறார்கள். அலமாரியை இடம் மாற்றி கட்டியிருந்தார்கள்.

இதே மாதிரி ஃப்ரிட்ஜை, வாஸ்துப் பிரகாரம் ஓவர்நைட்டில் பெயர்த்துவிட்டாய் என்று கற்பூரம் அடித்து சத்தியம் செய்வதற்காக, வேறொருவன் எனக்குக் கிடைத்தான்.

அளவுக்கு மிஞ்சினால் ஆல்கஹாலும் ஆஃப் பாயில்.

வால் ஸ்ட்ரீட் ஜர்னலில் இருந்து:
The health benefits of alcohol disappear and risk increases when you drink more than a few servings a day…. Pouring too much clearly adds calories….  But the bigger worry is that the maximum health benefits of alcohol come with just less than one serving a day for women and up to two servings for men.

Advertisements

Tale of Two Captains

மானஸ்தன்:
உலகக் கோப்பை முதல் அரையிறுதிப் போட்டியில் இலங்கை அணியிடம் தோல்வியைத் தழுவிய நியூ ஸீலாந்து அணியின் தலைவர் ஃபிளமிங், அப்பொறுப்பிலிருந்து விலகிக்கொள்வதாக அறிவித்துள்ளார்.

ஜமைக்கா தலைநகர் கிங்ஸ்டனில் உள்ள சபீனா பார்க் மைதானத்தில் நடந்த அரையிறுதிப் போட்டியில் இலங்கை அணி 81 ரன்கள் வித்தியாசத்தில் நியூஸீலாந்தை வென்றது.

ஒரு நாள் அணித் தலைவர் பொறுப்பிலிருந்து விலகினாலும், அணியின் பேட்ஸ்மேனாக ஒரு நாள் போட்டிகளில் தொடர்ந்து களமிறங்கப் போவதாகவும், டெஸ்ட் அணியின் தலைவராக தொடர்ந்து நீடிக்கப் போவதாகவும் ஃபிளமிங் தெரிவித்தார்.

ஃபிளமிங் நியூ ஸீலாந்து ஒரு நாள் அணியின் தலைவராக 217 போட்டிகளில் பொறுப்பேற்று ஆடியுள்ளார். அவற்றில் 98 போட்டிகளில் வெற்றியும், 106 போட்டிகளில் தோல்வியும் கண்டுள்ளது நியூசிலாந்து அணி.  279 ஒரு நாள் போட்டிகளில் விளையாடியுள்ள ஃபிளமிங், 8,037 ரன்களை எடுத்துள்ளார்.

  • இன்னிங்ஸ் சராசரி 32.41.
  • அரை சதங்கள் – 49,
  • சதங்கள் – 8.

(யு.என்.ஐ.)

இந்திய அணித்தலைவர்:

Rahul Dravid - Indian Captain

Sivaji – The Boss : Audio Poster

Home Alone

அக்கம்பக்கம் பாரடா சின்னராசா

ஆகாசப் பார்வை என்ன சொல்லு ராசா