மாதாந்தத் தொகுப்புகள்: மார்ச் 2007

KB – Parthaley Paravasam

‘பொய்’ படம் வந்திருந்த டிவிடி-யில் ‘பார்த்தாலே பரவசமும்‘ வந்திருந்தது.

1. தமிழ் சினிமாவை மீண்டும் உய்விக்க சிம்ரனின் சேவை, தேவை

2. ஸ்னேஹா எவ்வளவு ஒல்லியாக இருந்திருக்கிறார்.

3. பாத்திரங்களுக்கு பெயர் வைக்க கற்பனைப் பஞ்சம். மாதவா, சிமி…

4. திரைக்கதை அமைக்க கற்பனைப் பஞ்சம்: ‘சொல்லத்தான் நினைக்கிறேன்’ பாடல்

5. நகைச்சுவைக்கும் அதே வறட்சி: ‘மௌன ராக’த்தில் வந்த ‘போடா டேய் பொடியா’ ஸ்டைலில் மலையாளம் சம்சரிக்கிறார்.

6. கமல் வந்த இடம் அருமை: மதன் பாப் விசிறியாக, ஃபேனைப் போட ‘ஆளவந்தான்’ மொட்டை அவதாரம். படத்தின் ஒரே பளிச்.

7. என்னதான் குரு, குருநாதர் என்று பொதுமேடையில் குளிப்பாட்டினாலும், கமல் மாதிரி தலையை நீட்ட ரஜினி மறுத்து விட்டாரே!

8. 2001-இல் தீபாவளிக்கு இந்தியா வந்திருந்தபோது, ஆளவந்தான், இந்தப் படம், மனதைத் திருடி விட்டாய், ஷாஜஹான் எல்லாம் ஒரே சமயத்தில் வெளியாகியிருந்த நேரம். வேறு எதைப் பார்த்திருந்தாலும் பரவாயில்லையாக இருந்திருக்கும்.

9. படம் பார்த்த ஞாபகமே இல்லாமல், அனைத்துக் காட்சிகளும் மறந்து போயிருந்தால், மீண்டும் அந்தப் படத்தைப் பார்க்கும் தவறை இழைக்கக் கூடாது. நினைவு தப்புவது ஒரு காரண காரியத்துக்காகத்தான் என்பதை நினைவில் வைக்கவும்.

10. லாரென்ஸ் பெரிய அளவில் வரவேண்டியவர். சிம்ரனுக்கு சரியாசனம் போட்டு உட்காருகிறார்.

Passage to Blogdom

குருதிப்புனலில் வரும் வசனம்:
‘தைரியம்னா என்ன தெரியுமா? பயம் இல்லாத மாதிரி நடிப்பது.’

சம்பந்தமில்லாமல் இன்று உதித்த மொழி:
‘பின்னூட்டம்னா என்ன தெரியுமா? வியாக்கியானம் விளங்காத மாதிரி விளம்பி விடுவது.’

சம்பந்தமில்லாமல் இன்று கேட்கும் பாடல்:
‘அழியாத கோலங்கள்’ இன்னும் பார்க்காத படம். டிவிடி வரப்பிரசாதம் சீக்கிரமே கிடைக்கணும்.

தற்போதைக்கு சலீல் சௌத்ரி + ஜெயச்சந்திரன் ==> பூவண்ணம்

சம்பந்தம்:

தமிழ் சினிமா டயலாக் லொள்ளு | டயலாக் டென்

பிற:

1. ஸ்மிதா பட்டீல்: ஃபிலிம்ஃபேர் பதிவிலே வந்திருக்க வேண்டியவர். நடிப்பு, பெண்மை, சிந்தனை, லட்சியம், மசாலா எல்லாம் இருந்தும் டக்கென்று மறைந்தவர் :(  சிறப்பு அஞ்சலி செலுத்தினார்கள்.

  • The only Asian cine-star who had the unique honour of a Retrospective in Paris and La Rochelle (at the promptings of no less a film luminary than director Costa Gavras), a two-time best actress award winner at the National Film Festival, a Padma Shree as well as a devoted wife and brand new mother, Smita Patil had every thing going her way, before the ironic final cut spliced her life from sight to memory. And the loss, even today, remains, irrevocably, ours….
  • In the early 1980s, Smita finally relented and trained her sights on commercial cinema. She won new fans with the blockbuster Namak Halal [1982] opposite Amitabh. Their together item song and dance rain number Aaj rapat jaaye showed her in an entirely new light. Smita had qualms about going the whole commercial hog (lore has it that she cried after shooting Aaj rapat jaaye).
  • Smita was compared ad nauseum with Shabana Azmi, her senior and rival in the off-beat films’ arena. So when the two were pitted opposite each other in Arth [1983], comparisons were inevitable. Shabana had the sympathetic author-backed role but Smita’s on-the-edge characterisation of a guilt-ridden mistress had its fair share of admirers, including Amitabh Bachchan and Kamal Haasan.

2. ப்ளூடூத்: காதில் பச்சை விளக்கு மினுமினுக்கும். அது பட்டவர்த்தனமாகத் தெரியாது. தனியாகப் பேசுவதைப் பார்த்தவுடன் பைத்தியத்தைக் கண்டவுடன் எழும் அச்சம் கலந்த பரிதாபம் கிடைக்கும். கோட், சூட் மாட்டியிருந்தும், இவ்வளவு சின்ன வயதில் ‘இப்படி ஆயிட்டாங்களே!’ என்பேன். காதல் தோல்வி, பதின்ம கர்ப்பம் என்று ‘விடுகதை‘ திரைப்படத்தில் பிரகாஷ்ராஜுக்கு மனம் பிழற்வது போல் கற்பனை விமானம் விடுவதுண்டு. இப்போது நானும் ப்ளூடூத்துக்கு மாறி, காற்றோடு உசாவ ஆரம்பித்தாயிற்று.

Tamil Blog 30 – Index

Dow Jones Industrial Average என்பது முப்பது நிறுவனங்களின் ஏற்ற இறக்கங்களை கவனிப்பது.

தமிழுக்கு அந்த மாதிரி ஒரு 30 போட்டால் (எந்த வரிசையும் இல்லை)

க்வாண்டிடி & க்வாலிட்டியை முன்வைத்து இந்த முப்பதைத் க்வார்ட்டருக்கு ஒரு தடவையாவது தொடர்ந்து மாற்றிக் கொண்டிருக்க எண்ணம்.

Amalraj vs Aravind – Closeup Ad

தமிழ்ப்பதிவு என்றாலே பொடி வைக்காமல் எழுதலாமா? பட்டிமன்ற கேள்வி அல்ல.

விடை: எழுதலாம். உதாரணம்: கீழே

‘தெருவிளக்கில் படித்து ஜட்ஜானார் இன்னார்’ என்று இடித்தே வளர்க்கப்பட்டவன் நான். அந்த மாதிரி படிக்க முடியாமல், வீட்டுக்குள்ளேயே நடுநிசி எண்ணெய்யை (மிட்நைட் ஆயில்) செல்வழித்து வந்தவன்.

இன்று, ‘விளம்பரங்கள் எவ்வளவு புத்திசாலித்தனமாக இருக்கும்… தெரியுமா?’ என்று வளர்க்கிறேன் நான். அவளோ, DVR-இல் எல்லாம் ஓடியேப் போவதால் மூன்று பாட்டு ஒலியும்-ஒளியுமுக்கு முப்பது நிமிட விளம்பரம் பார்க்காமல் வளர்கிறாள்.

அப்படி தவறவிட்டிருக்க வாய்ப்பு இருந்தும், என் மகளைக் கவர்ந்த விளம்பரம் என்று தடுத்தாட் கொண்டாள். நான் தூர்தர்சன் பார்த்த காலங்களில் எனக்கும் (வேறு காரணங்களுக்காக) ரசனையான க்ளோசப் விளம்பரம்.

முதலில் வருகிறார். அமல்ராஜ்.

பௌலிங் வெளிச்சம். ஆர்கானிக் விக்கோ வஜ்ரதந்தி பயன்படுத்துபவர் போல. வாயை மூடிக்கொண்டு கெக்கே பிக்கே சிரிக்கிறார். பெண்கள் முகஞ்சுளிக்கிறார்கள். புன்சிரிப்பு விநோத சப்தம் எழுப்புகிறது.

அடுத்தவர் அர்விந்த்.

ஸ்னூக்கர் அரையிருட்டு. க்ளோசப் மந்தகாசப் புன்னகை. மாருதம் பொழிய கடோத்கஜ இடிச் சிரிப்பு.  Drop Waist-களும் Halter-களும் Faux Wrap-களும் களை கட்ட தொற்றிக் கொள்ளும் பற்கள்.

பிரச்சினை என்ன?

அசமஞ்சம் பெயர் ஏன் கிறித்துவ மதத்தை சேர்ந்த அமல்ராஜ் என்று வைக்கப்பட்டிருக்கிறது?

ஆர்பாட்டத்தின் பெயர் ஏன் ஹிந்துவான அர்விந்த் என்று நாமகரணமிடப்பட்டது?

தேர்ந்தெடுக்க…

  1. ஊடக வன்முறை
  2. மதவெறி
  3. பில்லியர்ட்ஸ் என்னும் பணத்திமிரின் வெளிப்பாடு
  4. புடவை, சூரிதார் என்னும் பண்டைய கலாச்சாரத்தை வெறுக்கும் மனப்பான்மை

ஒரு ஜோக்:

Corporate America

The game of choice for unemployed people or maintenance level workers is basketball.

The game of choice for frontline workers is football.

The game of choice for middle management is tennis.

The game of choice for CEOs and executives is golf.

Conclusion: The higher up on the corporate ladder you are, the smaller your balls are.

Filmfare awards

அவார்டு ஷோ பார்ப்பதாக இருந்தால் கையில் பேனாவும், மடியில் துண்டு சீட்டும் இருக்கும். அப்படித்தான் இங்கேயும் ஆரம்பித்தது. ரெட் கார்ப்பெட்டில் போட்ட பிளேடு தாங்காமல், ஃபாஸ்ட் ஃபார்வர்ட் ஒரு கையிலும், இன்ஃபோவோர்ல்ட் இன்னொரு கையிலுமாக நிகழ்ச்சி பறந்ததற்கு இடையிடையே…

  1. ஷாரூக் நன்றாகவே பேசினார். சுய எள்ளல் & தரமான நகைச்சுவை. எழுத்து: கரன் ஜோஹர்.
  2. அவரும் சிறப்பாகவேத் தொகுத்தளித்தார். மனுசன் ஹீரோவா நடிக்கலாம். என்ன ஸ்மார்ட்!
  3. கரீனாவின் ஆடைத் தேர்வு அமர்க்களம். அவரின் உடை மட்டுமே, ஏனைய பிறரின் புடைவை இன்ன பிறவில் இருந்து அசத்தல் + மாறுதல்.
  4. ஸ்ரீதேவி இன்னும் அப்படியே இருக்கிறார். ஹிந்தியில் உரையாட முடியாமல், ஆங்கிலத்தில் அளவளாவினார்.
  5. மாதவன் ஹிந்தியில் பொளந்து கட்டினார்.
  6. ஆமிர் கான் ஆஸ்காருக்கு மட்டுமே வருவது ஷாருக்கிற்கு கோபம் ஏற்படுத்தி இருக்கும். ஆனால், இது போன்ற சராசரி விருது விழாக்களுக்கு வராமல் இருப்பதில் ஆமிரின் நியாயம் தெரிகிறது.
  7. அரங்கம் அளித்த மகாபிரபு, தானம் கொடுத்த தன்யவான் என்று யாஷ் சோப்ராவை சோப் போட்டுத் தேய்த்தார்கள்.
  8. ஸ்ரீதேவி பம்பரமாய் சுழன்று சுழன்று ஆடினார். எப்பங்க ரீ-எண்ட்ரி? ‘லகே ரஹோ’ தமிழில் ரஜினிக்கு ஜோடி கட்டுங்களேன்…
  9. ‘கிருஷ்’ தந்திரக்காட்சிகள் எவ்வளவு கஷ்டம் என்பதை நடித்துக் காட்டி, ஹ்ரித்திக் ரோஷனுக்கு அப்ளாஸ் வாங்கிக் கொடுத்தார் ஷாரூக்.
  10. விருதை வழங்க வந்தவர்கள் ஏதோ வந்தார்கள்; உறையை நீவினார்கள்; யார் படிப்பது என்று குழம்பினார்கள்; சொல்வதற்கு குழறினார்கள்; ஃபிலிம்ஃபேர் சிலை கொடுப்பதற்கு முரண்டினார்கள்.
  11. ஒவ்வொரு விருதிற்கும் ஒரு பெருசை அழைப்பது; அவரே சில் வார்த்தை சொல்லி, பரிந்துரைப் பட்டியலை அறிமுகம் செய்து, விருது வழங்குமாறு (அதாவது ஆஸ்கார் மாதிரி) சிம்பிளாக, அழகாக, பவ்யமாக முடித்திருக்கலாம்.
  12. விழா முழுக்க சமாஜ்வாதி கட்சி மயம். முன்னால் லோக் சபா எம்பி அமிதாப் பச்சனுக்கும் முன்னாள் ராஜ்ய சபா எம்பி ஜெயா பாதுரிக்கும் நடுவில் அமீர் சிங். நல்ல வேளை… ஐஷ்வர்யாவிற்கும் கரீனாவிற்கும் இடையில் சீட்டு வேண்டும் என்று கேட்கவில்லை.
  13. சான்ஸ் கிடைத்த போது படு கேசுவலாக அமீரின் பெண் மோகத்தை வார ஷாருக் தவரவில்லை. ஷாரூக் கலக்கினார்.
  14. ஷாரூக்கை விட டைமிங்காக நிகழ்ச்சியில் ஜோக்கடித்தவர் – ஜூஹி சாவ்லா
  15. ப்ரீத்தி ஜிந்தாவிற்கு சம்பளம் போதவில்லை அல்லது பேசிய தொகை கொடுக்கவில்லை என்று நினைக்கிறேன். செம கடுப்பாக ‘என் லெவலே வேற’ என்பது மாதிரி பந்தா காட்டினார். அதற்கு, விழாவிற்கு வந்து சலித்துக் கொள்ளாத ஆமீர் எவ்வளவோ தேவலாம்.
  16. ரெட் கார்பெட்டில் பேசியவர் ‘அன்புடன்’ கௌதமியின் தங்கச்சி போல், இண்டெர்வ்யூ எடுக்க ரொம்பவே சிரமப்பட்டார். காபி வித் அனு மாதிரி யாரையாவது போட சொல்லணும்.

China – Oka Doubttu

சீனா-வா?

சைனா-வா?

சைனீஸ் சாப்பிடுவோம். ஆனால், சீன ஜனாதிபதி வந்தார் என்று தமிழ்த்தாள் வாசிப்போம்.

பக்கத்து சீட்டுகாரியிடம் நாளைக்கு விசாரிக்கணும்.

இதே மாதிரி

  • துருக்கி, டர்க்கி;
  • ஆஸ்திரேலியா, அவுஸ்திரேலியா
  • ருசியா,ரஷியா
  • செருமேனி,ஜெர்மனி
  • எகிப்து, ஈஜிப்ட்
  • பாலஸ்தீனம்,பாலெஸ்டைன்

உள்ளூர்காரங்க பாஷையா? நாவுக்கேற்ற மொழியா?

Be afraid… be very afraid?

Today’s News & Analysis:

  1. LTTE’s Airforce starts Flight Attacks « தரவைப் பகுதியில் விமானத் தாக்குதல்
  2. LTTE air power threat to entire South Asian region « வானில் எழுந்த புதிய கவலை

June 30, 2005 (Tamiloviam)

இந்தியாவும் வான்புலிகளும்: ஆப்கானிஸ்தானில் அமெரிக்காவால் வளர்த்து விடப்பட்ட இயக்கம் அல்-கெய்தா. அதே போல், இந்தியாவால் ஆதரிக்கப்பட்டு வளர்க்கப்பட்ட இயக்கம் எல்.டி.டி.ஈ. உலக வர்த்தக மையத்தை ஒஸாமா பின் லாடன் தாக்கியது போல், மிகப் பெரிய பேரழிவு எதையும் விடுதலைப் புலிகள் இந்தியாவுக்கு நிகழ்த்தவில்லை.

ஆனால், அவ்வாறான தாக்குதலை செய்யக்கூடிய வாய்ப்புகளை விடுதலலப் புலிகள் மேம்படுத்திக் கொண்டேதான் இருக்கின்றார்கள். விடுதலைப் புலிகள் துவக்கியிருக்கும் விமானப் படை, செப். 11 போன்ற தாக்குதல்களைத் தொடுக்கும் வலிமையை அவர்களுக்குத் தந்துள்ளதாக இந்தியா டுடே (தமிழ்) ஜூன் 8 கட்டுரை விவரிக்கிறது.

தாய்வான் பதினெட்டு பில்லியன் டாலர்களுக்கு அமெரிக்காவிடமிருந்து ஆயுதங்களை இறக்குமதி செய்கிறது. தாய்வானை நோக்கி சீனா 610 ஏவுகணைகளை குறி வைத்திருப்பதினாலேயே, தாய்வானின் இராணுவ பட்ஜெட் ஏறுகிறது. அமைதிக்கான நோபல் பரிசு பெற்றவரையும் சிறையில் வைத்து வாட்டும் மியான்மருக்கு இங்கிலாந்து தளவாடங்களை ஏற்றுமதி செய்து வருகிறது. இதே போல், விடுதலைப் புலிகளை பலப்படுத்துவதன் மூலம், இலங்கையும் இந்தியாவும், அமெரிக்காவிடமிருந்தும் இங்கிலாந்திடமிருந்தும் அதிநவீன தற்காப்பு தொழில்நுட்பத்திற்காக செலவிட ஆரம்பிக்கும்.

இலங்கையின் பாதுகாப்புச் செலவீனம் 1990-ஆம் ஆண்டு 550 மில்லியன் இலங்கை ரூபாவாக (ஒரு இந்திய ரூபாய் = 2.3 இலங்கை ரூபாய்) இருந்திருக்கிறது. 1992-ஆம் ஆண்டு 2000 மில்லியனாக உயர்ந்தது என ரோஹான் குணரத்தினாவின் குறிப்பு கூறுவதாக ‘ஈழப் போரட்டத்தில் எனது சாட்சிய’த்தில் சி. புஸ்பராஜா எழுதுகிறார். அவரே தொடர்ந்து, ‘வேறொரு குறிப்பு 1981-ஆம் ஆண்டு 661 மில்லியனாக இருந்த செலவீனம் 1992-ஆம் ஆண்டு 18,058 மில்லியனாக உயர்ந்தது’ எனக் கூறுவதாகவும் சொல்கிறார்.

தரைப்படையும் கப்பல் படையும் ஏற்கனவே கொண்டிருந்த புலிகள், இப்பொழுது விமானப்படையையும் சேர்த்துக் கொண்டதால், முப்படைகளும் கொண்ட ஒரே கெரில்லா அமைப்பாக இருக்கிறார்கள். ஸெக்கில் தயாரான ஸிலின் ஜீ-143 (ZLIN Z 143) விமானங்கள் பல உபயோகங்கள் கொண்டது. விமான ஓட்டுனர் பயிற்சிக்கும் பயன்படும். அதிரடியாக சென்னை வரை பறந்து சென்று, காரியங்களை முடித்துவரவும் உபயோகமாகும். இந்த விமானத்தில் நான்கு பேர் அமர்ந்து பயணம் செய்யலாம். தானியங்கியாக ஆட்டோ-பைலட் முறையில் இயங்கக் கூடியது. 2759 கிலோ மீட்டர் வரை பறக்கலாம். கரடுமுரடான இடங்களிலும் எளிதில் இறக்கமுடியும். பத்து மில்லியன் ரூபாய்க்கு யார் வேண்டுமானாலும் வாங்கிக் கொள்ளலாம்.

இது தவிர ஆயிரம் கி.மீ., 600 கி.மீ., 200 கி.மீ. என்று வெவ்வேறு தூரங்கள் சென்றுவரக்கூடிய விமானங்களையும் சமாதான காலத்தின் போருக்கான ஆயத்தங்களாக செய்கிறார்கள் என்று இலங்கைக்கான இந்திய ஹைகமிஷனர் நிருபமா ராவ் விவரிக்கிறார். இந்த விமான பலத்தின் மூலம் ஒற்று அறிவது, வேவு பார்ப்பது போன்றவை புலிகளுக்கு எளிதாகும். போராளிகளை, இலங்கை, தென்னிந்தியா மற்றும் தென் கிழக்காசியா போன்ற அக்கம்பக்கத்து நாடுகளுக்குக் கொண்டு விடுவது இயலும். போர் காலகட்டங்களில் வெளியிடங்களில் இருந்து அவசர உதவிகள் தருவிக்கவும்; சிகிச்சைகளுக்கு கொண்டு செல்லவும்; புதிய ராணுவ உதிரி பாகங்களை வெகுவிரைவில் கொண்டு வரவும் உதவலாம்.

ராஜீவ் காந்தி கொலையில் தேடப்பட்டு வருபவரும் தென்கிழக்கு ஆசியாவில் வசிப்பவருமான சண்முக குமரன் தர்மலிங்கம் விமான பாகங்களை உதிரியாகக் கொண்டு வந்து விமானம் கட்டமைப்பதில் சம்பந்தப் பட்டிருப்பதாக சொல்லப்படுகிறது. மாதந்தோறும் அயல்நாடுகளில் வசிக்கும் தமிழர்களிடமிருந்து 8.6 கோடி ரூபாய் வருவதாக இந்திய உளவுத்துறை மதிப்பிட்டுள்ளது. இது விமான எரிபொருள், விமானிப் பயிற்சி போன்றவற்றுக்கும் உபயோகப்படும்.

விடுதலைப்புலிகளாகட்டும் அல் கெய்தாவாகட்டும். அவர்களின் மிகப் பெரிய பயமுறுத்தும் பலம் அவர்களின் தற்கொலைப் படைகள்தான். எல்.டி.டி.ஈ.இன் தற்கொலைப் படையின் பெயர் கரும்புலிகள். தற்கொலைத் தாக்குதல் என்றாலே உலகின் எல்லா நாடுகளும் முப்படைகளும் நடுங்குகிறார்கள்.

விடுதலைப் புலிகளின் திறனையும் நடவடிக்கைகளையும் குறைத்து மதிப்பிட்டு மீண்டும் ஏமாறக் கூடாது என்பதற்கு புஸ்பராஜாவின் கருத்து:

“இந்திய இராணுவம் இன்னோர் நாடான பாகிஸ்தானுடன் மோதிக் கிழக்குப் பாகிஸ்தானாக இருந்த பிரதேசத்தை பங்களாதேஷாக உருவாக்கியபோது, அதாவது 1974-ம் ஆண்டு நடந்த இந்த யுத்தத்தில் இறந்த இந்திய இராணுவத்தின் தொகை 1047-தான். அதாவது ஒரு நாட்டுடன் மோதி இருக்கிறது. இன்னோர் நாட்டை உருவாக்கி இருக்கிறது. ஆனால், இலங்கையில் தமிழ் ஈழ விடுதலைப் புலிகள் என்ற இயக்கத்துடன் மோதி இறந்த இந்திய இராணுவத்தின் தொகை 1115″.

Sivappathikaram

  • நாயகியை அறிமுக இவ்வளவு விமரிசையாய், சமீபத்தில் பார்த்ததில்லை. சிம்ரன், இஷா கோபிகருக்கு அப்புறம் லட்சணம் + கவர்ச்சி; அஃப்கோர்ஸ் நடிப்பு.
  • வெளியே பனி கொட்டித் தள்ளிய மதியானம். இந்தியா உதை வாங்கி ‘அவுஸ்திரேலியா.. என் நாடு’ என்று ஜம்பம் சொல்ல முடியாத நேரம். இந்தப் படம்தான் மாட்டியது.
  • பழைய படம் பார்க்கும் வரிசையில் அடுத்து ‘வரலாறு‘ வந்திருக்கிறது.
  • அதுவும் மைக்ரேய்னோ ஒற்றைத் தலைவலியோ கொடுக்காமல் இருக்கணும்.
  • விஜய்காந்த் செய்ய வேண்டிய ரோலை, விஷாலுக்குக் கொடுத்துட்டாங்க.
  • பாட்டெல்லாம் அடிக்கடி வருது. நல்லாவும் இருந்தது; ம்யூசிக் இந்தியா ஆன்லைனில் கேட்கலாம். வீட்டில் பார்க்க உட்கார்ந்த மற்றவர்களை மாட்டினி ஷோவில் சோபாவில் மென்மையாய் தூங்க வைத்தது.
  • கிராமத்தில் நாயகி மட்டும் கப்ரி. மற்ற ஸ்டூடண்ட்ஸ் எல்லாம் தாவணி. தாவணி அழகு.
  • காலேஜுக்குள் போலீஸ் வந்தால் என்ன தப்பு? ஏன் ஓவராய் டென்சன் ஆனார்கள்?
  • லோக்கல் ரவுடி ரேஞ்சுக்கு சண்முகராஜன். அவருக்கும் பசுபதி மாதிரி ப்ரேக் கிடைக்கவேண்டும். அட்லீஸ்ட், டெலெகேட் செய்யுமாறு கதாபாத்திரம் அமைய வேண்டும்.

Economy

Long run is a misleading guide to current affairs. In the long run we are all dead.
- Keynes

காலப்போக்கில் என்பது தற்காலத்திற்கு சரியான வழிகாட்டி அல்ல. காலப்போக்கில் எல்லாருமே போய் சேர்ந்துருவோம்.
-கீன்ஸ்

Philosophy

A Philosopher is a man who can look at an empty glass with a smile

- Thomas Dewar

காதல்: Love is an ocean of emotions entirely surrounded by expenses.

பெண்ணியம்: Judge not a man by his clothes, but by his wife’s clothes.

குசும்பன்: A man who can laugh at his own misfortune is an asset to the community.

வலைப்பதிவு: The quality of the article should be its greatest advertisement.

விமர்சனம்: What we call confidence in ourselves we call conceit in others.

திண்ணைப்பேச்சு: Ability without enthusiasm is like a rifle without a bullet.