Ajeeth in and as Paramasivan

Ajeeth in and as Paramasivan 

Ajith in and as Paramasivan

Ajith in and as Paramasivan 

பரமசிவன்

பரமசிவன் படத்தின் திரை விமர்சனத்தையும் காட்ஃபாதர் படத்தின் திரை முன்னோட்டத்தையும் பார்த்தவுடன் அலைபாய்ந்தவை:

விவேக்கே நாயகன் ஆக முடியாமல் மீண்டும் ‘சுவத்துக் கீரையை வழிச்சுப் போடுடி, சொரண கெட்ட வெள்ளாடச்சி’ என்று திரும்பிய இந்தக் காலத்தில், நகைச்சுவை நடிகர் வையாபுரிக்கு ஹீரோ வேஷம் போட்டுக் கொடுத்தது யார்?

திரைப்படத்தில் சட்டையை அவிழ்த்து காட்டுவதற்கு நல்ல கட்டுமஸ்தான் உடம்பு வேண்டும். செந்தில், பிரபுதேவா, அஜீத் போன்றோர் செய்தால் நகைச்சுவை முயற்சியாகக் கருதபடும். (படையப்பா-வின் ‘What a man’ அப்பாஸ் நிழலாடுகிறதா?)

புகை பிடிப்பவர் தடாலடியாக தம் போடுவதை நிறுத்தினால், உடல் பருமனாவார். பருமனைக் குறைப்பதற்கு நல்ல டயடீஷியனை அணுகுவது சிறப்பானது. இல்லையென்றால், அஜீத் போல் எலும்பும் தோலும் ஆகிப் போவோம்.

---

Tamil Cinema | Paramasivan | தமிழ்ப்பதிவுகள்

உலகம் ஹெர்குலிஸ் சைக்கிள்களால் ஆனது

வேம்பநாட்டுக் காயலில் நான் ரசித்த பகுதிகள்:

அந்தக்கால மலையாள நகைச்சுவை நடிகர் பகதூர் மாதிரி கெச்சலான தேகம் சுப்பையாவுக்கு. காக்கி நிஜார், கூம்புத் தொப்பி, மட்கார்ட் இல்லாத ஹெர்குலிஸ் சைக்கிள், பின்னால் துருப்பிடித்த காரியரில் சடம்பு போட்டுக் கட்டிவைத்த லாட்டிக் கம்பு, மூக்குப்பொடி வாடை என்று அறுபதுகளின் அடையாள கான்ஸ்டபிள்.

திருப்பாச்சி அருவாளைத் தூக்கிண்டு வாடா அம்பி என்று பிராமணசங்க காலத்துக்கு முற்பட்ட தீர்க்கதரிசனமான அந்த முழக்கத்தைத் தொடர்ந்து. அம்பியானவன் அரிவாளும், தோட்டத்து இளநீருமாக வந்து சேர்ந்தான்.

மாடியிலே குடியிருக்கிற பிள்ளாண்டான். பி.டபுள்யூ.டியிலே டென் – ஏ- ஒன் கிளார்க்கா இருக்கான். அப்பப்ப ஊஸ்ட் பண்ணி வேலையிலே சேர்த்துப்பா.

போலீஸ்காரனை முறைத்துக் கொள்கிறான் இந்தப் பிள்ளை. பெண் கவிஞரை தூஷித்த எழுத்தாளர் கழுத்தில் துப்பட்டாவை மாட்டி இழுப்பதுபோல், தரதரவென்று இழுத்துப்போய், ஸ்டேஷனில் வௌவால் மாதிரித் தலைகீழாகத் தொங்கவிட்டு விடுவார்கள். (சும்மா, பேச்சுக்குச் சொன்னது இது அந்தக் காலத்தில் காப்பி இருந்தது. கவிஞர்கள் இருந்தார்கள். துப்பட்டா இல்லை.)

அந்த சாயந்திரம் கான்ஸ்டபிளுக்கு நகைச்சுவை பற்றி விளக்க என்.ஜி.ஓ பிள்ளையாண்டான் ரகோத்தமன் பட்ட கஷ்டம் போன வாரம் சட்டென்று இதை எழுதுகிறவனுக்கு நினைவு வந்தது.

நிச்சயமாய் நான் தலையாட்டி — எனக்குத் தோன்றியதை, நான் சொல்வதைவிட சிறப்பாக சொல்லியிருக்காரே என்று நினைத்த எண்ணங்கள்:

Sub altern, micro history கூறுகளும், காலத்தை இறுக்கி உறைய வைக்கும் புனைவும் கதையாடலும் எல்லாவற்றுக்கும் மேலாக, வாசகனைப் பயமுறுத்தாத நடையுமாக விளங்கும் இவற்றில் பலவும் இன்னும் ஐம்பது வருடம் போனாலும் நிற்கும். Derivative literature சுவடு இல்லாமல் போய்விடும்.

காராபூந்தி சாப்பிடுதல், நகைச்சுவைக் கட்டுரை எழுதுதல் போன்ற விஷயங்களுக்காக இபிகோ – இலக்கிய பிரொசிஜர் கோட் விதிகளின்படி சகலரையும் கூண்டில் ஏற்றித் தண்டிக்க, தலைமுறை தலைமுறையாக இலக்கிய கான்ஸ்டபிள்கள் அலைந்து கொண்டிருப்பது தமிழ் இலக்கிய சூழலை சுவாரசியமாக்குகிறது என்பதில் மகிழ்ச்சியே.

---

இரா. முருகன் | Iraa Murugan | தமிழ்ப்பதிவுகள்