Daily Archives: மார்ச் 26, 2004

நட்சத்திர லைப்ரரி – பாலகுமாரன்

தொகுப்பு : சந்துரு

விஸ்வநாதனின் மனிதநேயம் என்ற கவிதைப்புத்தகத்தை சமீபத்தில் படிக்க நேர்ந்தது. புதுக்கவிதை என்று சொல்லப்பட்டாலும் மரபுக்கவிதை ஒட்டிய அவருடைய எழுத்தில் நல்ல சுவையிருக்கும்.

Baalakumaran‘‘ஏசு நாதரும் விஸ்வ நாதரும்

நேசம் வைத்த நம்

நெஞ்சின் உணர்வுதான்

கன்னி மேரியோ கன்யா

குமரியோ

தன்னை அறிந்தவர் கண் ணில் ஒன்றுதான்

பொய்யை மட்டுமே

போற்றும் வாழ்க்கையில்

தெய்வ உண்மைகள்

தெரிவதில்லைதான்

மண்டைக் காட்டிலே

மனித சக்திகள்

சண்டை போடவா சமயம்

வளர்ந்தது?

பெண்டு பிள்ளைகள் துண்டம்

துண்டமாய்க்

கொண்டு போகவா கோவில்

வைத்தது?

மத வளர்ச்சியா? மனித நேயமா?

எது உயர்ச்சியாய் இவர்க்குப் பட்டது!’

கவிஞர் விஸ்வநாதனுக்குத் தனியாக கடிதம் எழுத வேண்டும் என்று தோன்றியது. அதற்குப் பதில் இதோ, இங்கேயே அதைப் பற்றி எழுதி விட்டேன்.

‘சமரசம்’ என்று ஒரு இஸ்லாமிய மாத இதழ் எனக்கு அனுப்பிக்கொண்டிருக்கிறார்கள். அதை நான் விடாது படிப்பது வழக்கம். சமீபத்திய சமரசத்தில், ‘ஹாஜிகளே என்ன கொண்டு வந்தீர்கள்?’ என்று பாகிஸ்தானிய சிந்தனையாளர் எழுதிய கட்டுரை ஒன்றை தமிழாக்கி வெளியிட்டிருக்கிறார்கள். எல்லா சமயத்திலும் இடித்துரைப்பு நிகழத்தான் வேண்டும் என்பதை எனக்கு அந்தக் கட்டுரை தெளிவாகச் சொல்லியது.

படிப்பது ஒரு பெரிய சுகம். அது நல்ல ஒரு காதற் பெண்ணோடு கைகோர்த்து சுற்றித் திரிவதுபோன்ற இதம்.

நன்றி: குமுதம்.காம்

Advertisements

வேலை கெட்ட வேலை :)

எனக்கு வேற வேலையே கிடையாது என்பது போல் தோன்றியதால், இன்னுமொரு சுய பரிசோதனைச் சாவடி பக்கம் நுழையச் சொன்னார். நிறைய கேள்வி, நடுநடுவே அதை இன்ஸ்டால், இதை நிறுவவா, என்ற சில தொல்லைகளுக்கு ‘NO’வும், மற்ற சுவாரசியமான சிந்திக்க வைத்த ரசனையான கேள்விகளுக்கு உண்மையான பதிலும் கொடுத்த பின்னர் வந்த முடிவுகள்:



HELPER WHO FINDS MISSING CHILDREN OVER THE INTERNET



(Submissive Introvert Concrete Feeler )

Like just 10% of the population you are a HELPER WHO FINDS MISSING CHILDREN OVER THE INTERNET (SICF). You are very tentative in the world and introverted with people–which means you are the shy and silent type. Hence the Internet. But behind your reserved exterior lies a dedicated person with a passion for the concrete truth who wants to, in his heart of hearts, help find missing children.

God bless you.

ஆய்த எழுத்து – யாக்கைத் திரி (ஃபனா)

ஏ.ஆர்.:



ஃபனா?

ஆண்:



யாக்கைத் திரி — காதல் சுடர்

ஏ.ஆர்.:



அன்பே

ஆண்:



ஜீவன் நதி — காதல் கடல்

ஏ.ஆர்.:



நெஞ்சே

ஏ.ஆர்.:



பிறவி பிழை — காதல் திருத்தம்

நெஞ்சே

இருதயம் கல் — காதல் சிற்பம்

அன்பே

ஆண்:



யாக்கைத் திரி — காதல் சுடர்

ஏ.ஆர்.:



ஃபனா?

குழு:



தொடுவோம், தொடர்வோம், படர்வோம், மறவோம், துறவோம்

தொடுவோம், தொடர்வோம், படர்வோம், மறவோம், இறவோம்

பெண்:



ஜென்மம் விதை — காதல் பழம்

லோகம் த்வைதம் — காதல் அத்வைதம்

சர்வம் சூன்யம் — காதல் பிண்டம்

மானுடம் மாயம் — காதல் அமரம்

உலகத்தின் காதல் எல்லாம் ஒன்றே அது

உள்ளங்கள் மாறி மாறிப் பயணம் போகும்

ஆண்:



யாக்கைத் திரி — காதல் சுடர்

ஏ.ஆர்.:



அன்பே

ஆண்:



ஜீவன் நதி — காதல் கடல்

ஏ.ஆர்.:



நெஞ்சே

ஏ.ஆர்.:



பிறவி பிழை — காதல் திருத்தம்

நெஞ்சே

இருதயம் கல் — காதல் சிற்பம்

அன்பே

ஆண்:



யாக்கைத் திரி — காதல் சுடர்

ஏ.ஆர்.:



ஃபனா?

குழு:



தொடுவோம், தொடர்வோம், படர்வோம், மறவோம், இறவோம் (முன்று முறை)

ஏ.ஆர்.:



மப மப சரிகமபதநிச…. ஆ?

நன்றி: வாலி

ரசித்தவர்: உயிர் எழுத்து மடலாடற் குழு

குறள்வழி

முகநக நட்பது நட்பன்று நெஞ்சத்

தகநக நட்பது நட்பு.

இன்முகம் காட்டுவது மட்டும் நட்புக்கு அடையாளமல்ல; இதயமார நேசிப்பதே உண்மையான நட்பாகும்.

ஆய்ந்தாய்ந்து கொள்ளாதான் கேண்மை கடைமுறை

தான்சாம் துயரம் தரும்.

திரும்பத் திரும்ப ஆராய்ந்து பார்க்காமல் ஏற்படுத்திக் கொள்கிற நட்பு, கடைசியாக ஒருவர் சாவுக்குக் காரணமாகிற அளவுக்குத் துயரத்தை உண்டாக்கி விடும்.

ஏதிலார் குற்றம்போல் தங்குற்றங் காண்கிற்பின்

தீதுண்டோ மன்னு முயிர்க்கு.

பிறர் குற்றத்தைக் காண்பவர்கள் தமது குற்றத்தையும் எண்ணிப் பார்ப்பார்களேயானால் புறங்கூறும் பழக்கமும் போகும்; வாழ்க்கையும் நிம்மதியாக அமையும்.

நன்றி: :: திருக்குறள் – கலைஞர் உரை ::

நான் கற்றுக் கொண்ட பாடங்கள்

பாடங்கள்

1. எழுதுவதில் படு ஜாக்கிரதையாக இருக்க வேண்டும். நட்பு முறையில் கிண்டலடித்தால் கூட கேலியாகும் அபாயம் இருக்கிறது. குறை கூறும் விமர்சனத்தை வைத்தாலும், தனிமனிதத் தாக்குதலாக நினைக்க வாய்ப்புண்டு.

2. அக்கா அண்ணாக்களுடன் பிணக்குக் கொள்வது போல் அல்ல இணையச் சண்டைகள். வெட்டு, குத்து, ரத்தம் எல்லாமே virtual-ஆக வர வாய்ப்புண்டு.

3. எவருக்கும் அறிவுரை போல் தோற்றம் தரும் நினைவூட்டல் மடல்களோ, செல்ல ஐடியாக்கள் பட்டியலோ தேவையற்றது.

4. தனி மடலாக அனுப்பித்தாலும், வலைப்பதிவில் கிறுக்கினாலும், மைக்ரோசா·ப்ட்டின் அழிக்கப்பட்ட மடல்களைத் தோண்டியெடுத்தது போல் மீண்டும் கிளறப்பட்டு, உங்களுக்கு எதிராக வினையாகலாம்.

5. எவரையும் ‘நண்பர்தானே… தவறாக எடுத்துக் கொள்ள மாட்டார்’, என்று நினைக்க வேண்டாம்.

6. சில சமயம் துணிச்சல் அதிகம் கொள்ளாமல் கோழையாகக் காட்சியளிப்பது நல்ல பெயரையும், வீரராகத் தோற்றம் காண்பிப்பது தியாகியாகவும் — பார்ப்பவருக்கு மயக்கத்தை உண்டு செய்யலாம்.

7. பெரியாரையும் பிரபாகரனையும் விமர்சிப்பதை விட்டுவிட்டு ஜெயலலிதாவையும் ஜார்ஜ் புஷ்ஷையும் விமர்சிப்பதே non-controversial and the secret to remain unbranded. அப்படி விமர்சிக்கத்தான் வேண்டுமென்றால் முகமூடி அவசியம் போட்டுக் கொள்ள வேண்டும்.

8. கருப்பு-வெள்ளையாக எந்த விஷயத்தையும் அணுக கிடையாது. எல்லாமே shades of grey.

9. விருந்தினர்களின் வீட்டில் அவர்களுக்காக பாத்திரம் கழுவும் வரை நம்ம வீடு. நமக்காகவும் உழைக்க ஆரம்பித்தால் அவர்களின் சொந்த வீடாகி நாம் அன்னியனாகப் போய்விடுவோம்.

10. இந்த மாதிரி பாடங்களை வெளியில் சொல்லாமல், உங்கள் நோட்பேடில் எழுதிக் கிழித்து விடல் அல்லது கடாசிவிட்டு ‘குப்பைத் தொட்டி’யையும் காலியாக்கி (சந்தேகமாக இருந்தால்) கடின இயக்கியை (hard-drive) format-உம் செய்துவிடல் நலம்.