Daily Archives: திசெம்பர் 5, 2003

கொஞ்ச நாளைக்கு புதிய ப்ளாஃகில் பழைய வலைப்பூக்கள் ம…

கொஞ்ச நாளைக்கு புதிய ப்ளாஃகில் பழைய வலைப்பூக்கள் மட்டுமே. படிக்காதவர்கள் படித்துத் துன்பமுறுக.

Advertisements

ஹே ராமும் பாபாவும் ———————— ஹே ர…

ஹே ராமும் பாபாவும்

————————

ஹே ராம்: காதல் இளவரசன் ஆஸ்காருக்காக எடுத்தது.

பாபா: சூப்பர் ஸ்டார் தன் மதிப்பை உயர்த்த எடுத்தது.

ஹே ராம்: கதை ஆரம்பிப்பது 1946.

பாபா: நிஜம் ஆரம்பிப்பது ஈராயிரம் ஆண்டுகளுக்கு முன்னால்.

ஹே ராம்: கதை முடிவது 1999.

பாபா: இனிமேலதான் க்ளைமேக்ஸே.

ஹே ராம்: மொகஞ்சதாரோவுக்கு ஆதாரம் இருக்கிறது.

பாபா: இமயமலைக்கும் உண்டு.

ஹே ராம்: ஆனால், 2000 வருஷம் கழித்து எலும்பு கிடைப்பதெல்லாம் புருடா.

பாபா: சாமி கண்ணைக் குத்திடும்.

ஹே ராம்: முடிவில் பாதாள சாக்கடையில் இறங்குகிறார் சாகேத் ராம்.

பாபா: முடிவில் அரசியலில் இறங்குகிறார் பாபா.

ஹே ராம்: மகாத்மாவை கேவலப் படுத்துவது போல் தோன்றினாலும் முடிவு நெகிழ வைக்கிறது.

பாபா: “பாபாஜி”யை நம்பாதது போல் ஆரம்பித்தாலும்…

ஹே ராம்: தேவையில்லாத கிரா·பிக்ஸ்.

பாபா: (கேரளா சென்றாலும்) அடிதடிக்கு கிரா·பிக்ஸ் தேவைதான்.

ஹே ராம்: கிரீஷ் கர்னாட், சௌகார் ஜானகி, ஓம் பூரி, நாசர் என பலர் வீணடிக்கப்பட்டார்கள்.

பாபா: ரஜினியையும், “ராமகிருஷ்ணணையும்” தவிர மற்றவர்கள்.

ஹே ராம்: பாதியில் வந்த இளையராஜா ஏமாற்றவில்லை.

பாபா: முழுவதுமாக இருந்த ரெஹ்மான் காப்பாற்றவில்லை.

ஹே ராம்: சென்னை, கல்கத்தா, காசி, டில்லி.

பாபா: கோலா வளாகம், பெங்களுர் போதும்.

ஹே ராம்: தோல்விக்குக் காரணம் படம் பாமரனுக்குப் புரியவில்லை.

பாபா: படம் தோல்வியே இல்லை.

ஹே ராம்: ஒழுங்காக மார்க்கெட்டிங் செய்து இருந்தால் ஆஸ்கார் கூட வசப்பட்டிருக்கும் .

பாபா: நிறைய செய்யாமல் இருந்திருந்தால் எதிர்பார்ப்புக்கு

ஏற்றபடி இருந்திருக்கும்.

ஹே ராம்: சரிகாவுக்கு சிறந்த காஸ்ட்யூமர் தேசிய விருது கிடைத்தது.

பாபா: அனுப்பினால் அடுத்த வருஷம் திரைக்கதைக்குக் கிடைக்கும்.

ஹே ராம்: நான் தெரிந்துகொண்டது – அவனவனுக்கு அடி விழும்வரை ஜாலியாக வாழ்க்கையை அனுபவிப்பார்கள்.

பாபா: அடி விழுந்து அடுத்தவர்களை கொலை செய்யாமல் இருக்க வேண்டுமானால் காதலிக்காதே; கல்யாணம் செய்யாதே.

ஹே ராம்: நம்பலாம்.

பாபா: நம்புவார்கள்.